Freedom House: Собиқ СССРда инсон ҳуқуқлари ҳолати ёмон

Вашингтондаги “Freedom House” собиқ иттифоқ ҳудудидаги инсон ҳақ-ҳуқуқлари борасидаги ҳолат ҳақида ҳисобот эълон қилди. “Freedom House” шу он МДҲ давдатларида яшаётган халқларнинг ҳамон собиқ иттифоқ давридагидай авторитар бошқарув босими остида қолаётганини таъкидлаб, инсон ҳақ-ҳуқуқлари ҳолатини “ёмон” деб баҳолади.

Ушбу сўровномани олиб борган мутахассислар Қозоғистон, Озарбайжон, Белорусия, Грузия, Тожикистон, Туркманистон ва Ўзбекистон каби ўлкаларда инсон ҳақ-ҳуқуқлари бўйича ҳисоботлар тайёрлади.

Ҳисоботдаги сарлавҳалар ўлкалардаги инсон ҳуқуқлари ҳақида яхшигина изоҳ беришини ўйлаб, қуйида келтирмоқдамиз:

“Қозоғистон: яхшиланиш учун умид туғилди.”

“Озарбайжон: Ҳамма нарса унчалик ёмон эмас.”

“Белорусия: Қатл ва ОАВларга босим бор.”

“Грузия: Собиқ амалдорлар ишлаган жиноят энг катта муаммо.”

“Тожикистон: Қуйига қараб.”

“Туркманистон: Ҳамма нарса жуда ёмон, лекин энергетика манбалари аҳамиятли.”

“Ўзбекистон: Мажбурий пахта йиғим-терими.”