Учинчи жаҳон уруши

АҚШ ва Европа иттифоқи орасидаги уруш энди брендларга ҳам кўчди. АҚШ “Volkswagen”, “Deutsche Bank” ва “Commerzbank”ларга катта жарималар солди. Яна янги жарималар ҳам тайёрланмоқда. Европа эса “Apple”га зарба берди. “Google” ва бошқа Америка ширкатлари катта миқдорда жаримага тортилмоқда.

Европа иттифоқи дунёнинг энг қийматли ширкати “Apple”нинг Ирландиядаги фаолияти туфайли 13 миллиард евро миқдорида солиқдан қарз эканлигини эълон қилди. Бу қарор АҚШнинг “Volkswagen” автомобилларини қайтариб беришидан сўнгра немис ширкатига белгиланган 15 миллиард долларлик жариманинг интиқоми деб баҳоланди. Лекин Америка ва Европа иттифоқи уруши илк бор FİFAда бошланди. АҚШ “Nike”нинг, Германия эса “Adidas” ҳоким бўладиган FİFA учун урушга кирди. FIFAнинг энг катта ҳомийлари “Coca-Cola”, “Nike” ва “McDonalds” эди... Пулни берган ширкатлар “Adidas”нинг, яъни Германия воситасида Европа иттифоқининг одами бўлган FIFA президенти Зепп Блаттерни кўришни исташмасди.

Блаттер олиб ташланди. Америка банклари “Citigroup”, “JPMorgan Chase”, “RP Martin” Европа иттифоқи тарафидан жаримага тортилди. АҚШ ҳам немис банклари “Commerzbank” ва “Deutsche Bank”га катта жарималар белгилади. Европа иттифоқи Ирландия орқали АҚШдан энг улкан қасосини олди. “Apple”га 13 миллиард евро (14,6 миллиард доллар) жарима белгилади. Олдимиздаги даврда уруш яна-да кескин тус олиши тахмин этилмоқда. “T Mobile”, “SAP”, “Nivea”, “Daimler”, “Bayer” каби брендларга қарши АҚШнинг санкциялар татбиқ этиши, айни шаклда Европа иттифоқининг ҳам Америка брендлари “Starbucks”, “McDonalds”, “Google”, “Twitter”, “Facebook” учун жарималар тайёрлаётгани иддао этилмоқда.

FIFAда пора олиш жанжали билан боғлиқ тергов жараёнида немис ва Европа футболининг афсоналаридан бири Франц Беккенбауэрнинг Австриядаги уйи тинтув қилинди. Немис афсонаси пулни “ювиш” ва мансабини суистеъмол қилиш билан айбланди. Беккенбауэр қамоққа олиниши иддао этилди.