Adobe компанияси нутқни таҳрирловчи дастур ишлаб чиқди

Илованинг айни вақтдаги камчилиги, овоз таҳрири учун 20 дақиқалик хотирани банд қилишидир. Adobe компанияси ҳар йили ўтказиладиган МАХ конференцияси доирасида VoCo деб номланувчи тажриба технологик иловасини омма эътиборига ҳавола этди. Айни илова орқали, эндиликда, нафақат видео ва суратларни, балки овозни ҳам таҳрир қилиш мумкин бўлади. Бу ҳақда “Hitech.vesti.ru” хабар бермоқда.

VoCo иловаси овоз-нутқни ўзгартиришга ёрдам беради. Унинг ёрдамида ёзиб олинган овозлардаги сўзлар ўрнини алмаштириш, нутқ орасига янги сўзлар қўшиш имкони мавжуд.

Дастурнинг ишлаш услуби жуда осон. Бироқ, унинг айни вақтдаги камчилиги, овоз таҳрири учун у 20 дақиқалик хотирани банд қилади. Дастур бутун бир гапни бир неча бўлакларга бўлади ва ҳар бир сўзни алоҳида-алоҳида тартиблайди. Шу орқали у нутқ эгасининг сўзлашув моделини тузади.

VoCo бир қарашда Photoshop дастуридаги Content-Aware Fill (Content-Aware Fill – суратга етишмаётган қисмларни топиш, бириктириш) вазифасига ўхшайди.

Ҳозирча VoCo дастури ягона кўринишда, конференция учун махсус тайёрланди. Компания мутахассислари унинг айнан қачон оммага тақдим этлишини маълум қилишмади.

Тахминларга кўра, ушбу дастур Adobe Audition профессионал пакети таркибига киради. Айни пакет мусиқани бошқа мусиқа билан қўшиш, фильмлардаги овозни тозалаш, аудио маълумотлар билан ишлашда керак бўладиган бошқа жараёнларда фойдаланилади.

Умида Якубова