Nokia 3310 яна қайтмоқда

Nokia 3310 янгиланган шаклда яна сотувга чиқмоқда. Мобил олам конгрессида намойиш этилган Nokia 3310 нинг на заряди тугайди, на эски моделлар каби рангсиз. “Nokia”нинг бу билан чекланмаган. Nokia 3, Nokia 5 ва Nokia 6 моделли яна учта янги телефон ҳам тақдим этди.

Янги модел оригинал Nokia 3310 моделига нисбатан кичик, енгил ва юпқароқ. Сариқ, яшил ва ложувард каби рангларда. Бундан ташқари клавиатураси ва тугмачалари бироз фарқ қилса-да, оригинал моделга содиқ қолган.

2,4 дюймли QVGA экран, 2 MP орқа камераси ва microSD карта дастаги билан чиққан янги Nokia 3310, Nokia Series 30+ операцион тизимда ишлатилади. Нисбатан ақлли бўлган янги модел Opera Mini билан бирга интернетга боғланади. Табиийки, телефонда афсонавий “илон” ўйини ҳам мавжуд. Бундан ташқари ностальгик қўнғироқ мусиқалари янгиланган ҳолда телефондан ўрин олган. Заряди кутиш ҳолатида 30 кунга ва гаплашиш ҳолатида 22 соатга етади. Йилнинг иккинчи чорагида сотувга чиқадиган Nokia 3310 нархи эса 52 доллар холос.

Янги NOKİA 3310 нинг техник хоссалари:

Ўлчами: 115.6х51.0х12.8 мм – 79,6 грамм

Экран: 2,4 дюйм QVGA

Камера: 2 MP, LED flaş дастакли

Хотира: 32 GBгача microSD карта қўйиш мумкин

Операцион тизим: Nokia Series 30+

Боғланиш: microUSB, Bluetooth 3.0, 3,5 мм AV боғланиш нуқтаси

Nokia 3 нинг хоссалари

Nokia 3310ни ҳисобга олмасак, Nokia чиқарган энг арзон смартфон дейишимиз мумкин. 147 долларлик нархи билан эътибор тортган Nokia 3 5 дюймлик экранга эга. MediaTek MT6737 процессоридан куч оладиган жиҳозда 2 GB RAM, 16 GB ли хотира мавжуд.

Nokia 5 нинг хоссалари

Nokia нинг кунимиздаги энг сўнгги технологияларга энг яқин телефонларидан биридир. 5,3 дюмли экран ва 720x1280 пиксел экран кенглигига эга жиҳозда Qualcomm Snapdragon 435 процессори ишлатилиб, 2 GB RAM ва 16 GB хотирага соҳиб. Лекин microSD карта кўмаги билан жами хотирани 128 GBгача кўтариш мумкин.

Олд тарафида 8 MP, орқа тарафида эса 13 MP камераси бўлган Nokia 5, Android 7.0 Nougat операцион тизимида ишлайди. 3000 mAh батареяси билан бир кунга етадиган телефоннинг нархи 189 евро.

Nokia 6 нинг хоссалари

5,5 дюймли FHD экранга эга Nokia 6 юқорида айтилган уч телефоннинг энг иддаолиси. Nokia 6 нинг корпуси 6000 серияли алюминий блокдан ишлаб чиқарилган. Snapdragon 430 процессор, 3 ёки 4GB RAM билан дастакланган. Батареяси эса 3.000mAh.

Орқа тарафида 16MP ли камераси бўлган телефоннинг олд камераси эса 8MP дир. Жуфт микрафонли смартфон фойдаланувчиларга маъқул бўлади. Жилосиз қора, кумуш, мовий ва мис рангларида бўлиб, йилнинг иккинчи чорагида сотувга чиқади.