Туркманбоши Қозоғистонда

Икки марта расмий зиёратини қолдирган Туркманистон президенти Гурбангули Бердимуҳамедов расмий хизмат сафари билан Қозоғистонга келди. Бердимуҳамедов Туркманистон ва Қозоғистоннинг стратегик ҳамкорлигининг асосий томони энергетика соҳаси эканлигини таъкидлади. Бердимуҳамедов икки томонлама ҳамкорлик доирасида Туркманистон-Хитой табиий газ қувурларини мисол қилиб кўрсатиб, Туркманистон энергетика экспедицияси борасида қўшни ўлкалар билан бирга бўлиши кераклигини сўзлади.

Икки раҳбар учрашувида Қозоғистон-Туркманистон-Эрон темир йўл ҳақида сўз борди ва ушбу темир йўл икки ўлка дўстлиги туфайли амалга ошган лойиҳа деб баҳоланди. Бу ҳақда гапирган Назарбоев “Ҳозир Ипак йўли трассаси ҳақида музокаралар олиб боряпмиз. 15 майда Пекиндаги “Ягона белбоғ, ягона йўл” форумида бу мавзу кўтарилади. Бу жуда муҳим трасса сифатида баҳоланмоқда. Бизнинг мақсадимиз буни улкан моҳият билан тўлдиришдир” деди.

Назарбоевнинг билдиришига кўра, икки ўлка фазо соҳасидаги ҳамкорликни ривожлантириш бўйича ҳам келишишди. Учрашув борасида Афғонистондаги ҳолат ҳам алоҳида тилга олинди. Бердимуҳамедов баёнотида Туркманистоннинг Қозоғистон билан халқаро аренадаги истиқболларининг айни ва бошқа халқаро ташкилотларга “очиқ эшик” сиёсати олиб бораётганини айтди.

Ўтган йили икки ўлка орасидаги тижорат ҳажми 283,5 миллион долларни ташкил этганди.