“Қудус ёлғиз эмас!”

АҚШнинг элчихонаси Қудусга кўчиши ва Фаластиндаги қатлиом ортидан “Ислом ҳамкорлик ташкилоти” фавқулодда йиғилиши Истанбулда ўтказилди.

Туркия президенти Ражаб Тойиб Эрдўғон очилиш нутқида “Очиқча ва аниқ гапиряпман, Исроилнинг бу ишлари қароқчилик, зулмдир, давлат терроридир” деди.

Эрдўғон ИҲТ йғилишида гапирган нутқида “14 май душанбаси инсоният тарихида қора кун сифатида ёдда қолса, 18 май жума эса муштарак ҳатти-ҳаракатларимиз билан инсонлик шарафи қутқарилган кун сифатида ёзилади” деди. У яна “Биз бугун бу ердаги йиғилишимиз билан фаластинлик биродарларимиз курашларида асло ёлғиз эмаслигини билдирмоқдамиз. Мен яна бир бор шу ҳақиқатнинг барчага маълум бўлишини истайман: Қудус даъвоси бутун мусулмонларнинг даъвосидир. Қудус шаҳри қўли ўн минглаб фаластинликларнинг қонига беланган террор давлатининг тасарруфига ташлаб қўйилмайдиган муқаддас шаҳардир. Қудус қарори билан Исроилнинг қатлиомларига замин ҳозирлаган АҚШнинг қўли ҳам масъум фаластинликларнинг қонига беланган. Исроил қатл этган масъумларнинг ҳисобини халқаро суд олдида мутлақо бериши керак” деди.

Ушбу йиғилишда иштирок этган қироллар, бош вазир ва президентлар АҚШни элчихонасини Қудусдан кўчиришга ва Фаластиндаги ҳодисалар бўйича “Халқаро тинчликпарвар кучларни юбориш ҳамда Фаластин халқи халқаро ҳимоя билан таъминлашга” чақирди.

Йиғилиш докладида ИҲТнинг асосий вазифаси ва тузилиш сабаби Қудусни ва бу шаҳарнинг тарихи ҳамда маънавий қадриятлари муҳофаза қилиниши, Исроил тарафидан амалга оширилаётган мустамлакачи ва ирқчи сиёсатлари бошқалар тарафидан дастакланишига чек қўйиш учун керакли чора-тадбирларни олиш эканлиги таъкидланди.

Ишғол остидаги Фаластин тупроқлари ғариинсоний ишғолга қарши ўзларининг қонуний тинч норозилик билдириш ҳуқуқларидан фойдаланган қуролсиз Фаластин халқига нисбатан Исроил кучларининг жиноий ҳатти-ҳаракатлари қораланган докладда “Айниқса сўнгги бор 14 майда юзага келган ва камида 60 нафар тинч аҳолининг ўлдирилиши ва 2700 нафари жароҳат олишига ишғолчи куч Исроил бутунлай жавобгардир” дейилди.

Докладда БМТ хавфсизлик кенгаши, БМТ бош ташкилоти, БМТ бош котиби, БМТ инсон ҳуқуқлари бўйича кенгаши, махсус журналистлар ва БМТ инсон ҳуқуқлари бўйича олий комиссарига Фаластиндаги сўнгги зулмлар бўйича халқаро тергов қўмитаси қурилиши учун керакли қадамлар ташлаш лозимлиги айтилди.

ИҲТ докладида АҚШнинг Қудусда элчихона очиши қораланиб, бунинг мусулмон умматига, Фаластин миллий ҳуқуқларига ва халқаро ҳуқуққа қарши эканлиги таъкидланди.

Докладда АҚШ ва бошқа ўлкалар тарафидан хуш қабул қилинган бунга ўхшаш қадамни кузатган, қабул қилган ёки зимдан дастаклаган ҳар бир давлатнинг  халқаро мувозанатни ва халқаро ҳуқуқни поймол қилиш билан айбдор бўлиши қайд этилди.

Фаластин халқининг қонуний ҳуқуқ ва истакларини Исроилнинг мустамлакачи ва агрессив режимидан ҳимоялайдиган ҳамда бу редимни дастаклайдиган давлатларга қарши ҳимоя мақсадида мумкин бўлган бутун тадбирларни олиш, бутун сиёсий, ҳуқуқий ва дипломатик йўллардан фойдаланиш қарорлаштирилган докладда қуйидаги ифодалар ўрин олди:

“1967 йил ишғол этилган Фаластин тупроқларининг ажралмас парчаси бўлган Қудус бўйича халқаро қонунчиликка бўйсуниши учун АҚШдан талаб қилиш ва АҚШни Исроилнинг хоҳ минтақанинг, хоҳ бутун дунёнинг тинчлик ва хавфсизлигига таҳдид ташкил этувчи мустамлакачи режаларини бас қилиши учун чақиришга даъват этади.”

Ислом ҳамкорлик ташкилоти фавқулодда йиғилишида Афғонистон, Гана, Эрон,Қатар, Қувайт, Мавритания, Судан, Иордания, Шимолий қипр турк республикаси, Индонезия, Гамбия, Фаластин, Покистон, Жазоир, Қирғизистон, Ўзбекистон, Саудия Арабистон, Миср, Озарбайжон, Баҳрайн, Ливан, Ироқ, Тунис, Ливия, Бангладеш, Буркина Фасо, Чад, Қозоғистон, Тожикистон, БААлар иштирок этишди.