Қироличани "тириклай кўмишди"

Буюк Британия қироличаси Елизавета II ҳаётдан кўз юмганида ўтказиладиган дафн маросими репетиция қилинди. Репетицияга олий мартабали вазирлар ҳам қатнашди. Қироличанинг ўлимидан кейин бош вазир Тереза Мей халққа мурожаат қилиши ва 10 кун мотам эълон қилиши айтилди.

"London Bridge" режаси қироличанинг  “Муқаддас Паул” черковида қатнашган бир маросимда тоби қочиши ортидан дарров тайёрланди. Букингем саройидан берилган хабарда қироличанинг бетоблиги жиддий эмаслиги ва ҳатто доктор ҳам чақирилмаганлиги айтилди. “BBC”да 92 ёшли қироличанинг ўлимидан кейин эфирга узатиладиган кўрсатувлар репетициялари анча олдин бошланган.

“BBC”нинг тажрибали дикторларидан Хув Эдвардс ва Николас Уитчелл қироличанинг ўлимини эълон қилувчи видеолар намойиш этди. “BBC” қироличанинг ўлим эълонидан кейин миллий маршни намойиш этади, бутун каналларнинг орқа фонига қироличанинг сурати қўйилади. Эркак бошловчилар қора рангли костюм шимда, оқ кўйлак ва қора галстукда бўлишади. Эълондан 12 кун кейин бўладиган дафн маросимигача эфир дастурлари кескин ўзгартирилади ва ўйин-кулгу дастурлари олиб ташланади. Қироличанинг ўлими расмий эълон қилиниши ортидан қўйиладиган роликлар ҳам тайёрланганлиги ифода этилди.

Британия қироллигида энг узоқ тахтда ўтирган қиролича Елизавета II апрель ойида 92 ёшга тўлганини нишонлаганди. 63 йилдан бери тахтда ўтирган қиролича 1926 йил 21 апрелда туғилган.