Юнонлар Қозоғистонда асфальт заводи очди

Юнон ширкати “Soldatos” Қозоғистоннинг Туркистон вилоятида асфальт заводини қурди.

Туркистон инвестиция ширкатининг баёнотида асфальт заводи қурилиши учун 300 миллион тенге инвестиция киритилгани айтилди.

Баёнотда “Қурилиш учун Туркистон вилоятининг саноат ҳудудида 3 гектарлик майдон ажратилган. Завод йилига 20 минг тонна асфальт ишлаб чиқаради” дейилди.

Ширкат маҳсулотларини Қозоғистонда сотишни режалаштирган. “Soldatos” ширкати 2017 йилда ташкил топган. Завод асфальт ва бетон маҳсулотларини ишлаб чиқаради.