Мисрда поезд ҳалокати

Миср соғлиқни сақлаш вазирлиги баёнотида пойтахт Қоҳиранинг шимолидаги Калюбия вилоятидаги Туҳ шаҳрида Қоҳира-Мансура йўналишидаги поезд ҳалокатга учраган. Ҳалокатда 11 киши ҳаётдан кўз юмиб, 98 киши тан жароҳати олган.

Маҳаллий нашрларга кўра, Миср президенти Абдулфаттаҳ ас-Сиссий ҳалокат сабабларини ўрганиш учун махсус комиссия тузишга кўрсатма берди.

Миср темирйўллари идораси берган баёнотга кўра, 949 рақамли Қоҳира-Мансура йўловчи поезди Калюбия вилоятида издан чиқиб кетиб, 4 та вагон ағдарилган.

Эслатиб ўтамиз, Мисрда 26 мартда ҳам поезд ҳалокатга учраб, 32 киши ҳалок бўлган ва 66 киши жароҳат олганди.