Россияда сайлов натижалари эълон қилинди

Россияда давлат думаси учун ўтказилган сайловларда президент Владимир Путин раҳбарлик қилувчи “Единая Россия” партияси 49,82% овоз тўплаб ғолиб бўлди.  Бу ҳақда марказий сайлов комиссияси маълум қилди.

“Ягона Россия” давлат думасига сайловда 49,82%, коммунистик партия 18,93%, либерал демократик партия эса 7,55%, “Адолатли Россия” 7,46%, “Янги одамлар” партияси 5,32% овоз тўплаган. Шу тариқа давлат думасига 5%лик барьердан ошган 5 партия вакиллари кирди.

17-19 сентябрь куни ўтказилган сайловлар қатор халқаро ташкилотлар томонидан танқидга учради. Улар Россия сайловчиларига ўз ҳуқуқларини амалга оширишга йўл қўйилмаганлиги ва сайлов олдида мухолифат партия вакилларига, мустақил журналистларга босим ўтказилганлиги айтишмоқда.