АҚШ Украина Россияга бутун Донбассни беришини талаб қилмоқда

Украина бўйича тинчлик музокаралари битта савол туфайли тўхтаб қолди: Киевни Кремлга Донбасс ҳудудини тўлиқ беришга қандай мажбурлаш мумкин?

Нашрнинг хабар беришича, бу ҳақда яқинда Politico ўз манбасига таяниб ёзган. Бу манба исми сир қолишини хоҳлаган юқори лавозимли европалик амалдордир.

"Ҳудуд масаласи бўйича америкаликларнинг позицияси оддий: Россия Украинадан ҳудудларни беришни талаб қилмоқда — ва америкаликлар бунга қандай эришишни ўйлашда давом этмоқда", — дея мухбир ўз суҳбатдошидан иқтибос келтиради. "Америкаликлар Украина Донбассни тарк этиши кераклигини талаб қилмоқда... у ёки бу йўл билан".

Киев эса ўз навбатида, ҳар қандай тинчлик шартномаси ҳарбий ҳаракатларни ҳозирги фронт чизиғи бўйлаб музлатиб қўйишни ўз ичига олиши кераклигини таъкидламоқда.

Украина Президенти Владимир Зеленский душанба куни, 8 декабр куни журналистлар билан суҳбатда, "Украинанинг Россия фойдасига ўз ҳудудларидан воз кечишга на юридик, на маънавий ҳуқуқи бор"лигини айтди. Россия эса "шубҳасиз, украиналиклар ҳудудларни қайтариб беришини қатъий талаб қилмоқда", — дея Украина етакчисининг сўзларини "Укринформ" агентлиги ўз сайтида етказишган.

Шу билан бирга, Қўшма Штатлар "иккала томонни ҳам қониқтирадиган муросага эришиш устида ишламоқда", — деб кўрсатди Зеленский.

Reuters агентлиги маълумотларига кўра, бугунги кунга қадар РФ Украина ҳудудининг 19,2 фоизини назорат қилмоқда, бунга Қрим, бутун Луганск вилояти, Донецк вилоятининг 80 фоиздан ортиғи, Херсон ва Запорожье вилоятларининг тахминан 75 фоизи, шунингдек, Харков, Сум, Николаев ва Днепропетровск вилоятларининг баъзи қисмлари киради.

АҚШ Президенти Дональд Трамп 7 декабр куни Вашингтондаги Кеннеди Маркази мукофотини топшириш марасими доирасида журналистларнинг саволларига жавоб берар экан, ўша пайтда Зеленский АҚШнинг сўнгги тинчлик таклифини "ҳали ўқимаганидан" "бироз ҳафсаласи пир бўлганини" айтди. Шу билан бирга, Оқ уй раҳбари, Россия бу таклифга рози, деб ҳисоблашини билдирди, гарчи Москва "бутун мамлакатни олишни афзал кўрса-да".

Politico нашри билан суҳбатда музокаралардаги мавжуд вазиятга изоҳ бериб, юқори лавозимли европалик амалдор ҳозир "АҚШ ўзини қандай тутиши — воситачи сифатидами ёки Россия томонига мойил шахс сифатидами — муҳим"лигини таъкидлади. Шу билан бирга, у Киев ҳали ҳам Вашингтон унга қандай хавфсизлик кафолатларини беришга тайёрлиги ҳақидаги саволга ойдинлик киритилишини кутмоқда"лигини эслатди.