“Facebook” номини “Meta”га ўзгартирди

У ўзини ижтимоий тармоқ билан эмас, метаолам билан боғлашни истамоқда.

Бу ҳақда компания асосчиси Марк Цукерберг “Facebook Connect” тақдимотида маълум қилди. У компания метаолам, яъни барча мавжуд технология ва қурилмаларни бирлаштириб виртуал оламни ривожлантиришини айтди.

Цукерберг метаоламнинг асосий мақсади одамларни бирлаштириб уларга ёрдам бериш эканлигини билдирди. Бундай виртуал оламда одамлар бир-бири билан аватар шаклида учрашиши мумкин, реал олам эса голограмма шаклида намоён бўлади.

“Meta” “Facebook”, “Instagram” ва “WhatsApp” устида ишлаш билан бирга метаоламни ҳам ривожлантиради.