33 йилда илк бор

Италиянинг футбол бўйича чемпионатида ғолиб аниқланди.

Италия “А” сериясининг 33-турида “Наполи” жамоаси меҳмонда “Удинезе” жамоаси билан дуранг ўйнаб, муддатидан аввал ўзига чемпионликни таъминлади.

Бу билан Неаполь футбол жамоаси 33 йилда илк бор Италия чемпионига айланди. Умумий ҳисобда бу “Наполи” жамоасининг учинчи чемпионлигидир. Бунгача 1986-87 йилларда, 1989-90 йилларда (ушбу йиллар жамоада Диего Марадонна тўп сурганди) ғолиб бўлганди.