Бангладешда поезд ҳалокати

Бангладешда иккита поезд тўқнашиб кетди. Юз берган ҳалокатда дастлабки маълумотларга кўра, 12 киши ҳалок бўлган, кўплаб кишилар тан жароҳати олган.

Бангладешнинг пойтахти Дакка яқинида иккита поезд тўқнашиб кетиши натижасида дастлабки маълумотларга кўра 12 одам ҳалок бўлган, кўплаб кишилар жароҳат олган. Ўт ўчирувчи хизмати вакилларидан Мошарраф Хосаин пойтахт Дакка яқинидаги Кишорегандж шаҳарчасида юк поезди билан йўловчи поезд тўқнашиб кетганлигини маълум қилди.

Воқеа жойига етиб келган тезкор хизматлар қутқарув ишларини давом эттирмоқда. Хоссаин ўлимлар янада ортиши мумкинлигини айтди.