Швеция расман НАТО аъзоси

Швеция Шимолий Атлантика альянси – НАТОга расман қўшилди. Бу ҳақдаги маълумот АҚШ давлат департаменти сайтида эълон қилинди.

Чоп этилган хабарда 7 март куни Швеция қироллигининг альянсга қўшилиши бўйича келишув кучга кириши маълум қилинди.

Швеция НАТО аъзоси бўлган 32-давлат ҳисобланади. Бундан ташқари ташкилот таркибига Албания, Бельгия, Болгария, Буюк Британия, Венгрия, Германия, Греция, Дания, Исландия, Испания, Италия, Канада, Латвия, Литва, Люксембург, Голландия, Норвегия, Польша, Португалия, Руминия, Шимолий Македония, Словакия, Словения, АҚШ, Туркия, Франция, Финляндия, Хорватия, Черногория, Чехия, Швеция ва Эстония киради.