Хайрлашишга уч дақиқа

Янги Зеландия аэропортида узоқ вақт хайрлаши тақиқланади.

Янги Зеландиянинг Момона шаҳридаги Данидан халқаро аэропортининг йўловчиларни тушириш ҳудудида янги белгилар пайдо бўлди. Бунга кўра, энди йўловчиларга яқинлари билан хайрлашиш учун 3 дақиқа вақт берилади.

Янги белгиларнинг фотосуратлари ижтимоий тармоқларда кенг тарқалиб, баъзилар ушбу тақиққа норози бўлса, баъзилар эса қўллаб-қувватлаб, бу қоидани бошқа аэропортларга ҳам татбиқ қилиш кераклигини айтишмоқда.

Хайрлашиш учун 3 дақиқа етмайди деган йўловчиларга автомобиль турар жойига чиқиш тавсия этилмоқда. Парковкада хайрлашиш учун 15 дақиқа вақт берилган.