Шимолий Кореяда хот-дог ва ажрашиш тақиқланди

Шимолий Корея бошчиси Ким Чен Ин ўлка аҳолисига хот-дог ейишни тақиқлаб, ажрашмоқчи бўлган жуфтларни қамоққа олишга буйруқ берди.

40 ёшли раҳбарга кўра, машҳур фаст-фуд жуда ғарбий ҳисобланиб, хот-дог тановул қилиш энди давлатга хиёнат деб баҳоланади.

Шимолий Корея аҳолиси энди кўчада хот-дог сотгани ёки уйда тайёрлагани учун қўлга олиниб, меҳнат лагерига жўнатилиши мумкин.

Ўлкада бундан ташқари, будэ-ччигэ сотиш ҳам тақиқланди. Бу аччиқ корейс-америка таоми бўлиб, шўрва, корейс қалампир пастаси, кимчи, ловия ва колбасадан тайёрланади.

Ушбу чоралар ўлкага кириб келаётган капиталистик маданиятни оммалашиб кетмаслиги учун татбиқ этилди.

Янги чиқарилган буйруқлардан бири бу – ажрашишни истаган жуфтликларнинг ҳар иккаласига олти ойгача қамоқ жазоси беришдир. Чунки никоҳни бузиш жамиятга қарши ҳаракат ҳисобланади.

Авваллари фақат ажрашишни хоҳлаган тараф жазолантириларди.