Қулдор олий судья

Бирлашган Миллатлар Ташкилоти ва Уганда Олий суди судьяси Лидия Мугамбега Буюк Британияда бир аёлни қул каби ишлатгани, таҳдид қилгани ва инсон савдоси билан шуғуллангани айбловлари жиноят иши қўзғатилди.

Оксфорд университетида ҳуқуқ доктори бўлган Мугамбе, Уганда олий комиссар ёрдамчиси Жон Леонард Мугерва билан келишиб, ёш бир аёлни Англияга олиб келгани ва уни мажбуран хизматчиликка мажбурлагани айтилади.

Прокурорларнинг айтишича, Мугамбе “ўзига энг кам харажат билан хизмат қилувчи бир кишини қўлга киритиш” мақсадида жабрланувчини тузоққа туширган. Судга тақдим қилинган далилларга кўра, жабрланувчи уй ишлари ва бола парвариши учун мажбуран ишлатилган, унга ҳақ тўлашга рухсат берилмаган ва ҳужжатлари мусодара қилинган.

Прокурорларнинг маълум қилишича, Мугамбе жабрланувчини ортга қайтариш билан таҳдид қилган ва ишни тарк этиши учун босим ўтказган.

Полиция томонидан сўроқ қилинган судья, ўзининг “дипломатик дахлсизликка” эга эканини ва ҳибсга олиниши мумкин эмаслигини иддао қилган. Бироқ, Британия расмийлари Мугамбенинг бундай дахлсизликка эга эмаслигини тасдиқлади.

Прокурор Кэролайн Хоги: “Мугамбе ўз мақомидан фойдаланиб, жабрланувчини алдагани, уни эксплуатация қилгани ва суиистеъмол қилгани аниқ”, — деди. Шунингдек, жабрланувчининг доимий ишда ишлашга рухсат берилмагани ва у тўлиқ равишда Мугамбега боғлиқ бўлиб қолгани таъкидланди.

Лидия Мугамбе судда унга қарши қўйилган тўртта оғир айбловни рад этди. Бироқ, прокурорлар жабрланувчининг эркинлиги чекланганини ва судья ўз мансабидан фойдаланганини исботламоқчи бўлиб, энг оғир жазони талаб қилмоқда.