Катта тозалаш

Баъзилар "АҚШ-Европа иттифоқи парчаланмоқда", дейишмоқда. Бу қисман тўғри. Чунки аслида АҚШ-Европа иттифоқи деган нарса ҳеч қачон бўлмаган. Иккинчи жаҳон уруши тугаганидан сўнг вайронага айланган ва қанчалар заиф эканлиги кўринган Европани Америка қутқарди ва шу орқали уни қўлида қулга айлантирди. Европа Иттифоқи йиллар давомида ўзини асирга олган АҚШнинг сунъий йўлдоши бўлиб қолди ва глобал муносабатларда ҳеч қандай устун таъсир кучига эга эмасди.

ЕИ фақат бозор эди! У ҳам АҚШга буткул қарам бозор! Агар Америка Европадан импортни тўхтатса, Европа иқтисодиёти емирилади! Масалан, Буюк Британиянинг йиллик 800 миллиард долларлик экспорти ичида энг катта мижози АҚШ ҳисобланади. 2024 йилда фақат Германиянинг ўзи Америкага 161 миллиард долларлик маҳсулот сотган. Европа Иттифоқи мамлакатлари ҳар йили АҚШга 500 миллиард доллардан ортиқ маҳсулот етказиб беради, аммо қарийб ўндан бир қисми миқдорида товар сотиб олади, холос.

Вашингтон йиллар давомида Европа иқтисодиёти томонидан "сўрилишидан" чарчаган. Шунинг учун Америка "теран давлат"и ўзининг операциясини бошлади. Европа маҳсулотларига божхона тўловлари жорий этилмоқда. АҚШ ўзини юк бўлиб қолган Европа "паразити"дан халос қилишга тайёрланмоқда. Америка, аксинча, Европани янада кўпроқ иқтисодий қарам қилиб, унга қиммат энергия сотиш ва кўп миллиардлик қурол савдоси орқали уни шилишга ҳаракат қилмоқда.

Баъзилар эса "АҚШ ва Буюк Британия ажраяпти", дейди. Нима ажралиш? Бу аслида Американинг ўз тизимидаги паразитлардан халос бўлиш жараёни!

Иккинчи жаҳон урушидан сўнг, "қуёш ботмайдиган империя" ўз оролига қамалиб, заифлашиб қолган Британия АҚШга ёпишди ва унинг таъсиридан фойдаланиб кучли кўринишни истади. АҚШ тизимида параллел тузилмалар орқали ўз таъсирини сақлаб қолишга ҳаракат қилди.

Аммо бу давр тугади, ва АҚШ ўзининг эски юкидан қутулмоқда! Бу тозалаш жараёнининг энг катта икки ютқазган тарафи: Буюк Британия ва Исроил. АҚШни Хитой билан муаммога солган Британия ҳар томондан қаттиқ босим остида.

Лондондаги Қиролга боғлиқ бўлган Канада ҳақида "Энди у бизнинг штатимиз" деб, ҳатто босиб олиш ҳақида гапирадиган бир АҚШ президенти бор энди.

Шунинг учун Оқ уйнинг расмий сайтида "Тож кийган Трамп" суратлари тарқатилмоқда.

"Қирол энди Лондонда эмас, Вашингтонда" деган хабар бериляпти.

Глобал сармоячилар томонидан тузилган Исроилда ҳам аслида яширинча тасфия жараёни кетмоқда.

Трампнинг "Ғазо бизники бўлади, эгаллаймиз" деган баёноти ҳақиқатда мумкин бўлмаган орзу эди.

Бироқ бу орзу Исроилдаги ирқчи-фашистлар учун бир турдаги ёлғон умид бўлиб хизмат қилди.

Европа Иттифоқининг "теран давлати", глобал сармоя ва унинг Ўрта Шарқдаги қамчиси бўлган Исроилдан қутулиш кераклигини тушуниб етди.

Ҳозирда мамлакат ичига сингиб кетган параллел тузилмаларга қарши катта амалиёт ўтказилмоқда.

Бюрократик тизимдаги юз минглаб одамларга электрон хатлар юборилиб, истеъфога чиқишга чақирилгани ва уларнинг истеъфога чиқарилаётгани ҳам тасодиф эмас.

Ичкаридан катта тозалаш жараёни бошланган бир пайтда, АҚШ учун ҳаётий муҳим бўлган Буюк Британия ва Исроил каби "паразитлар"дан қолган бўшлиқни глобал куч бўлган ТУРКИЯ тўлдириши керак!

Тайёрланган барча ҳисоботлар шуни кўрсатмоқда.

Шунинг учун янги жаҳон тартибида Трамп, Путин ва Си Цзиньпин қаторида Эрдоғаннинг ҳам суратлари ҳамма ерда чиқмоқда.

Ҳолбуки, бу ерда на Британия ва на Германия бош вазирларига жой берилмоқда.

АҚШ Европа Иттифоқига "Менинг елкамдан тушасан, энергияни мендан қиммат нархда сотиб оласан, қуролга триллионлаб доллар сарфлаб, мендан импорт қиласан. Мен энди сенга ахмоқча ҳимоячи бўлиб турмайман" демоқда.

Буни очиқ-ойдин кўрсатиш учун у Россияга яқинлашяпти, Украинага босим ўтказяпти, Путинни қўллаб-қувватлаяпти.

Бунинг натижасида бутунлай янги бир дунё шаклланаётгани кўзга ташланяпти.

Бечора ЕИ етакчилари йиғилиб, "Биз Украина томонидамиз, АҚШ бунинг учун тўлайди" каби бемаъни гаплар қилиб, ўзларини тинчлантиришга ҳаракат қилишяпти. Лекин уларнинг ҳеч қандай кучлари қолмаган. Украинага АҚШ каби қурол етказиб берадиган имкониятлари йўқ. Ўзларини ҳимоя қиладиган армиялари ҳам мавжуд эмас. АҚШга иқтисодий зарба берадиган даражадаги иқтисодиётлари ҳам йўқ. Аксинча, АҚШ улардан харидни тўхтатса, Европа иқтисодиёти емирилади.

Шунинг учун улар ҳозир халқаро аренада таъсири қолмаган кимсага айланишди. Уларнинг хавфсизлиги ҳам НАТОда иккинчи йирик армияга эга бўлган Туркиянинг ҳимояси остига киришдан ўтади.

Туркия президенти Эрдоғаннинг Украина президенти Зеленскийни кутиб олганида унга соябон тутгани бекорга эмас эди. Бу бутун дунёга кучли рамзий хабар эди. Айни пайтда Европа ўз тарихида ҳеч қачон бунчалик Туркиянинг ҳимоясига муҳтож бўлмаган.