АҚШ Украина ватандошларини мамлакатдан чиқиб кетишни талаб қилди

АҚШ Президенти Дональд Трамп маъмурияти қонуний равишда мамлакат ҳудудида яшаб келаётган бир неча украин ватандошларига нотўғри равишда мамлакатни тарк этишни талаб қилган электрон мактублар юборди.

Маълум қилинишича, бу ҳафта бир нечта украин ватандоши — АҚШда инсонпарварлик дастурлари доирасида яшаб келаётган шахслар — ушбу талабни ўз ичига олган электрон хатларни қабул қилишган.

Мактубларда АҚШнинг Божхона ва чегара хизматидан номидан уларнинг яшаш рухсатномаси бекор қилингани ва 7 кун ичида мамлакатни тарк этишлари кераклиги қайд этилган. Шунингдек, талаб бажарилмаса, "федерал ҳукумат бу талабни бузганларни албатта топади", деган таҳдид ҳам мавжуд бўлган.

“Агар сиз дарҳол АҚШ ҳудудини тарк этмасангиз, сизга нисбатан ҳуқуқни муҳофаза қилувчи органлар томонидан чоралар кўрилади ва бу сизни мамлакатдан чиқариб юборишга олиб келиши мумкин. АҚШда қолишга уринманг”, — дейилади хабарда.

Ҳозирча бундай мактубларни неча киши олгани ҳақида аниқ маълумот йўқ.

Шу билан бирга, АҚШ Ички хавфсизлик вазирлиги (DHS) ушбу хатларни юборилишини "техник хатолик" деб атади. Тузилма таркибига кирувчи Божхона ва чегара хизмати ҳам ушбу ҳолатни тасдиқлаган. Расмий баёнотга кўра, Россиянинг 2022 йилдаги кенг кўламли босқинидан сўнг жорий этилган Украина ватандошларини қабул қилиш дастури ҳозирча ўз кучида қолмоқда.

Маълумот учун, мазкур гуманитар дастур доирасида АҚШ ҳозирга қадар 240 минг украин ватандошини қабул қилган.

Эслатиб ўтамиз, Украинада тинчлик музокаралари ҳалигача самара бермаган, ҳарбий ҳаракатлар эса тўлиқ суръатда давом этмоқда.