АҚШ ва Мексика ўртасидаги кескинлик

Трамп Мексика Президенти Клаудия Шеинбаумга гиёҳванд моддалар картеллари билан курашиш учун мамлакатга аскар юбориш таклифини берган эди. Аммо Шеинбаум бу таклифни қаттиқ танқид қилиб рад этди. АҚШ Президентининг янги баёноти эса эътиборни тортди — Трамп Шеинбаум ҳақида "ёқимли аёл" деб таъриф бериб, "у картеллардан қўрқади", деди.

АҚШ Президенти Дональд Трамп Air Force One самолётида журналистларга баёнот берди.

Трамп, Шеинбаумга гиёҳванд моддалар картеллари билан курашиш доирасида АҚШ қўшинларини юбориш таклифини берганини тасдиқлаб:

"Агар Мексика картелларга қарши курашда ёрдам сўраганида, биз бундан фахрланган бўлар эдик," деди.

Шу билан бирга Трамп:

"(Шеинбаум) ёқимли аёл деб ўйлайман. Лекин у картеллардан шунчалик қўрқадики, тўғри ўйлай олмаяпти", деган сўзларини қўшди.

Мексика Президенти Клаудия Шеинбаум эса кеча АҚШ Президенти Дональд Трампнинг гиёҳванд моддалар картеллари билан курашиш учун мамлакатга аскар юбориш таклифини рад этганини маълум қилган эди. Шеинбаум Трампга шундай деб жавоб берганини айтди:

"Унга нима дедим, биласизми? Йўқ, Президент Трамп. Ер дахлсизлиги муқаддасдир, суверенитет сотилмайди. Бунинг ҳожати йўқ. Ҳамкорлик қилишимиз, бирга ишлашимиз мумкин, лекин сиз ўз ҳудудингизда, биз ўз ҳудудимизда. Маълумот алмашишимиз мумкин, аммо АҚШ армиясининг Мексика ҳудудида бўлишини ҳеч қачон қабул қилмаймиз."