Бутун бошли қишлоқ йўқ бўлиб кетди

Швейцарияда Альп тоғларидан узилиб тушган муз парчаси Валис кантонида жойлашган Лёчшенталь водийсидаги Блаттен номли қишлоқни бутунлай йўқ қилди. Рўй берган фалокатдан сўнг 1 киши бедарак йўқолгани маълум қилинди.

Швейцарияда Альп тоғларидан узилган муз парчаси туфайли содир бўлган кўчки бутун бир қишлоқни йўқ қилди. Мутасаддилар 1 нафар шахс билан боғлана олинмаётганини маълум қилишди.

Швейцариянинг Валис кантонидаги Лёчшенталь водийсида жойлашган Блаттен номли қишлоқ, Альп тоғларидан узилган муз парчаси сабабли юзага келган кўчки оқибатида йўқ бўлди. Расмийларнинг айтишича, 200 нафар аҳоли яшайдиган қишлоқ 19 май куни эҳтиёт чораси сифатида эвакуация қилинган. Қишлоқ минглаб тонна лой ва муз остида қолган.

Блаттен шаҳарчаси мэри Маттиас Беллвалд кўчкидан сўнг ўтказилган матбуот анжуманида: “Қишлоғимизни йўқотдик. Қишлоқ вайрон бўлди. Биз уни қайтадан тиклаймиз”, — деди.