Бразилияда ҳукумат ва наркокартеллар ўртасидаги уруш

Бразилияда хавфсизлик кучлари ва наркокартелларнинг қуролли гуруҳлари ўртасида шиддатли жанглар авж олди. Бир соат ичида камида 64 киши, шу жумладан тинч аҳоли ҳам ҳалок бўлди.

Нашрнинг ёзишича, бу мамлакат тарихидаги энг кўп ўлимга олиб келган операциядир.

"Команду Вермелью" наркокартелига қарши курашда 2,5 минг полициячи иштирок этмоқда. G1 нашрининг ёзишича, улар учувчисиз учиш аппаратлари (УУА) ва вертолётлардан фойдаланмоқда, операцияга 32 та зирҳли қуруқлик транспорт воситаси жалб этилган.

Таъкидланишича, операция давомида камида 20 киши, жумладан икки нафар полиция ходими ҳалок бўлган. Полиция 80 га яқин наркокартел аъзосини ҳибсга олган, шунингдек, катта миқдордаги турли типдаги ўқотар қуроллар, шунингдек, жиноятчилар фойдаланган мотоцикллар мусодара қилинган.

Рио-де-Жанейрода ҳаракат бутунлай тўхтатилди: барча йўллар ва проспектлар баррикадалар ва эгаллаб олинган автобуслар билан тўсиб қўйилди. Шаҳардаги ноқонуний наркотик савдоси бозорининг 70 фоизини назорат қилувчи маҳаллий жиноий гуруҳлар, полиция томонидан ўтказилаётган кенг кўламли операцияга жавобан локдаун эълон қилди.

Рио-де-Жанейро штати губернатори Клаудио Кастро президент Лула да Силвани ёрдам учун ҳарбийларни юборишдан бош тортганликда айблади.

Ушбу йирик операциянинг ўтказилиши келаси ҳафта Рио-де-Жанейрода режалаштирилган иқлим саммитига тайёргарлик вақтига тўғри келди.