Трамп Мадуро билан учрашдими?

АҚШ Президенти Доналд Трамп Флоридага қилган сафаридан сўнг берган баёнотида Венесуэла билан боғлиқ саволларга аввал "Йўқ, йўқ" деб жавоб берди, аммо кейин "Мадуро билан баъзи музокаралар олиб бораётган бўлишимиз мумкин" дея ифода қўллади.

Венесуэла билан боғлиқ бирор ўзгариш борми деган саволга аввал "Йўқ, йўқ" деб жавоб берган Трамп, кейин мамлакат кун тартибини жонлантирган сўзларни айтди:

"Мадуро билан баъзи музокаралар олиб бораётган бўлишимиз мумкин ва бунинг қандай якунланишини кўрамиз, улар гаплашишни хоҳлашади."

АҚШ Президенти Доналд Трамп, Венесуэла Президенти Николас Мадуро билан баъзи музокаралар олиб борганликларини назарда тутиб, "Бунинг қандай якунланишини кўрамиз, улар гаплашишни хоҳлашади" деди.

Саволлар давом этиши билан Трамп бу сафар янада аниқ гапирди:

"Венесуэла гаплашишни хоҳлайди. Бу нимани англатишини сиз айтинг... Мен ҳамма билан учрашаман."

АФП томонидан олинган маълумотларга кўра, АҚШ армияси сентябрь ойидан бери халқаро сувларда гиёҳванд моддалар савдосига қарши кураш доирасида олиб борган операцияларда камида 83 кишини ўлдирган. Бироқ Вашингтон, ўлдирилган шахсларнинг контрабандист эканлигига доир батафсил маълумот улашмади.

Трамп, Венесуэла масаласида Конгресс билан "потенциал имкониятларни" муҳокама қилганми деган саволга ҳам жавоб берди:

"Биз Конгрессни ишга жалб қилишни хоҳлаймиз."

АҚШ Президенти, Давлат котиби Марко Рубионинг Конгрессни хабардор қилиш билан вазифалинтирилганини таъкидлади. Бироқ махфий маълумотларнинг сизиб чиқмаслиги кераклигини урғулаб, қуйидаги ифодани қўллади:

"Биз уларнинг розилигини олишга мажбур эмасмиз, лекин уларни хабардор қилиш яхши. Мен хоҳламаган ягона нарса – армия ва CIA (ЦРУ)ни хавфга солиши мумкин бўлган махфий маълумотларнинг сизиб чиқиши."

Трамп, Мадуро маъмурияти "қамоқхона аҳолисининг деярли барчасини" АҚШга юборганини даъво қилди. Баёнотида собиқ Президент Жо Байден маъмуриятини танқид қилди:

"Улар 20-25 миллион кишининг АҚШга оқиб келишига йўл қўйишди."

АҚШда жинсий тажовуз тармоғини тузишда айбланиб қамоқхонада ўлик ҳолда топилган миллиардер Жеффри Эпштейн билан боғлиқ савол берилганда Трамп асабийлашди:

"Сиз ёмон мухбирсиз... Сохта хабар тарқатувчилар менинг маъмуриятим муваффақиятига соя солиш учун буни кун тартибига келтирмоқда."

Трампнинг баёнотларидан бир неча соат олдин, АҚШ Давлат департаменти муҳим эълон қилди. Вазирлик, Cartel de los Soles номли тузилмани "Хорижий Террорчи Ташкилот (FTO)" сифатида таърифланишини маълум қилди.

Баёнотда ташкилотга "қонуний деб қабул қилинмаган Николас Мадуро раҳбарлик қилаётгани" даъво қилинди.

Журналистлар бу мавзуни сўрамаган бўлсада, Трамп Нью-Йоркнинг биринчи мусулмон ҳокими Зоҳран Мамдани ҳақида ҳам гапирди:

"Нью-Йорк ҳокими Вашингтонга келиб биз билан учрашишни хоҳлайди, бир ечим йўлини топишимизни айтишим мумкин. Биз Нью-Йорк учун ҳамма нарсанинг яхши кетишини хоҳлаймиз."

Трамп аввалроқ Мамдани сайланган тақдирда Нью-Йоркка федерал маблағларни кесиш таҳдидини қилган эди.