Инсон ювадиган машина

50 дона ишлаб чиқарилди, 385 минг доллардан сотилади! Бу машина инсонни кир ювиш машинасидек ювади.

Японияда сотувга чиқарилган "инсон ювиш" машинаси фойдаланувчини капсула ичида мусиқа жўрлигида тозалайди. Расмийлар уларнинг мақсади нафақат танани, балки руҳни ҳам тозалаш эканлигини билдирган ҳолда, чекланган ишлаб чиқарилиши ва 385 минг долларлик нархи билан ҳам эътиборни тортмоқда.

Кир ювиш машинаси мантиғида ишлайдиган ушбу маҳсулот фойдаланувчи капсула ичига ётгач, ювиш жараёнини бошлайди. Фойдаланувчи фақат мусиқа танлайди.

Сотувчи фирма расмийлари нафақат танани, балки руҳни ҳам ювишни мақсад қилганликларини маълум қилдилар. Қурилма тозалаш жараёни давомида фойдаланувчининг юрак уришини ва ҳаётий белгиларини ёзиб олади. Аввалига машина фақат прототип сифатида ишлаб чиқилган эди. АҚШдаги бир дам олиш компанияси прототипни тижоратлаштириш мумкинми йўқми эканини билиш учун мурожаат қилганидан сўнг, фирма уни ҳақиқий маънода ишлаб чиқаришга қарор қилди.

Фирма маҳсулотдан тахминан 50 дона ишлаб чиқаришни режалаштираётганини ва уни ноёб қиладиган жиҳати кам учраши эканлигини билдирди. Маҳаллий матбуотда чакана савдо нархи 385 минг доллар бўлиши хабар қилинган.