Нетаньяхунинг Сомалиленд ўйини

Террор давлати Исроил Бош вазири Биньямин Нетаньяху ва Ташқи ишлар вазири Гидеон Саарнинг сўнгги икки ой ичида Сомалиленднинг “қароқчи” Президенти Муҳаммад Абдуллоҳий билан ўтказган учта учрашуви тафсилотлари маълум бўлди.

Қатардаги Лусаил университети ўқитувчиси Муҳаммад Мазҳар Шоҳин АҚШнинг Анқарадаги элчиси Том Баррак ва Ҳамас расмийлари билан ўтказган музокараларида ушбу жараёнга оид муҳим маълумотларни қўлга киритганини айтди. Ҳамас манбалари эса Нетаньяхунинг 2 миллионга яқин ғазоликни Сомалилендга сургун қилиш режасидан хабардор эканликларини билдиришди.

Академик Шоҳиннинг таъкидлашича, Нетаньяху яқин кунларда АҚШда Дональд Трамп билан учрашишдан олдин Сомалиленднинг мустақиллигини кутилмаганда тан олгани эътиборга молик. Икки томонлама учрашувда Нетаньяху Трампга ғазоликларни ушбу мамлакатга сургун қилиш режасини қабул қилдиришга уринади.

Шоҳин Исроилнинг Сомалиленд ўйинини шундай баён қилди: Нетаньяху Трампнинг столига Сомалиленд картасини қўяди. Чунки Сомалиленд Президенти ўз мамлакати Исроил томонидан тан олинишидан аввал Нетаньяхуга ваъда берган. Абдуллоҳий Исроилнинг тан олиши эвазига 2 миллион ғазоликни ўз мамлакатига қабул қилади.

Бошқа томондан, Сомалиленд айни вақтда Қизил денгизнинг океанга очиладиган сўнгги дарвозаси ҳисобланади. Исроил Қизил денгизда таъсир ўтказиш орқали денгиз йўлларини назорат қилишни мақсад қилган.

Нетаньяхунинг Трамп билан учрашувидаги иккинчи масала Туркия бўлади. Нетаньяху Ғазодаги ўт очишни тўхтатишнинг иккинчи босқичига ўтишни асло истамаяпти ва турк аскарларининг ҳудудда бўлишига ҳам қарши чиқмоқда. Доҳа форумида бу масалани элчи Барракдан сўрадим. У Ҳамаснинг Туркия сабабли музокаралар столига ўтирганини ва Ғазода тинчликни давом эттириш учун Туркия бу тенгламанинг ичида бўлиши кераклигини айтди.

Менимча, Трамп Нетаньяхунинг ғазоликларни Сомалилендга сургун қилиш таклифини қабул қилмайди. Бундан ташқари, Трамп Туркиянинг Ғазода вазифа олиши учун Нетаньяхуга босим ўтказади. Бу эса Нетаньяхунинг ифлос режалари барбод бўлишини англатади. Чунки Трамп билан биргаликда ҳамма жуда яхши биладики, Яқин Шарқ ва Африкада Туркиясиз ҳеч қандай келишувга эришиб бўлмайди.