Сиренани кутиб, ҳисобни тўламасдан кетмоқдалар

Ўрта Шарқни қон кўлига айлантирган Исроилда ватандошларнинг ҳам тартиб-интизоми бузилди. Баъзи шахслар савдо марказлари ва ресторанларда ҳисоб тўламаслик учун ҳаво ҳужуми сиреналарини атайлаб кутишаётгани иддао қилинди.

Исроилда баъзи ватандошлар уруш ҳолатини ўзлари учун имкониятга айлантириб олдилар. Исроил матбуотида тарқалган хабарларда савдо марказлари ва ресторанларда содир бўлаётган баъзи воқеаларга диққат қаратилди.

“Royanews” нинг “Channel 13” га таяниб берган хабарида айтилишича, айрим кишилар сиреналар чалинишини кутиб, юзага келган саросима ва тартибсизликдан фойдаланган ҳолда, масканларни тўлов қилмасдан тарк этмоқдалар. Хабарда таъкидланишича, бундай хатти-ҳаракатлар давом этаётган уруш шароитида тез-тез такрорланаётган сирена огоҳлантиришлари билан боғлиқ ҳолда юзага чиқмоқда.

Тадбиркорлар шикоят қилаётган бу ҳолат одоб-ахлоқ қоидаларига зид экани ва фавқулодда вазиятларда жамоат хавфсизлигига путур етказаётгани қайд этилди. Шунингдек, хабарда бу ҳолат айниқса сирена огоҳлантиришлари шиддатли бўлган ҳудудларда борган сари ортиб бораётган муаммога айланаётгани билдирилди.