Исроил армиясида ҳинд аскарлари

Исроил ҳиндларнинг Яҳудий матнларида тилга олинган “йўқолган қабила” авлодидан эканини эълон қилди. Тель-Авив маъмурияти ҳиндларни ҳам босиб олинган ерларга жойлаштиришни, ҳам армиядаги аскар етишмовчилигини қоплашни режалаштирмоқда.

Тель-Авив маъмурияти “Шафақ қанотлари операцияси” деб номланган фаолият доирасида минглаб ҳиндларни карвонлар ҳолида Исроилга ташимоқда. Исроил Миграция ва интеграция вазирлиги ҳиндларнинг яҳудий матнларида ўтадиган “йўқолган қабила” авлодидан эканини эълон қилди. Вазирлик Ҳиндистондан кўчириб келинаётганларга “Қайтиш қонуни” доирасида ватандошлик берилишини, бироқ аввал улар яҳудий-ортодоксал динига ўтиш жараёнидан ўтказилишини билдирди. Нетаньяху ҳукумати Исроил ичида тил, маданият ва динга асосланган интеграция марказларини ташкил этди.

Орасида “Бней Менаше” яҳудийлари ҳам бўлган ушбу аҳоли операциясини баҳолаган истеъфодаги полковник Эдиз Экинчи шундай деди: “Исроил кенгайиш ва минтақавий мақсадлари йўлида кўплаб режалар тайёрлади. Ҳиндистондан тинч аҳолини кўчириш ва армияда 50 мингдан ортиқ ҳинд аскарини жанг қилдириш лойиҳаси 30 йиллик ҳисоб-китобдир. Сўнгги Ғазо воқеалари, Ливан, Эрон, Сурия, Ироқ ва айниқса Туркия-Покистон иттифоқининг янги босқичга чиққани Тель-Авивни ҳаракатга келтирди. Саудия Арабистони ҳам дохил бўлган ўққа қарши Исроил-Греция-Ҳиндистон–Жанубий Кипр-Бирлашган Араб Амирликлари (БАА) параллел пактини туздилар. Бу пакт ичида Ҳиндистон аҳолини инъекция қилиш (киритиш) жиҳати билан бошқалардан фарқли ва анча махсус миссияга эга”.

Туркия-Покистон муносабатлари ва Ўрта Шарқ билан бирга Осиёда кузатилаётган тўлқинланишлар жараёнда ҳал қилувчи аҳамиятга эга эканини қайд этган Эдиз Экинчи: “Исроил режими Нью-Делига энергия, савдо, саноат, ахборот технологиялари, мудофаа саноати ва қурол-яроғ каби соҳаларда катта миқдордаги ваъдалар берди. Унинг ягона мақсади келгуси урушларда ўз сафларида жанг қиладиган аскар етишмовчилигини қоплашдир. Бу борада Ҳиндистон раҳбариятини жиддий иқтисодий фойдалар билан кўндирди. Албатта, бу омиллар орасида Кашмир мавзуси ҳам муҳим ўрин тутади. Исроил анча йиллардан бери Непал бошлиқ кўплаб Африка давлатларидан аскар тўпламоқда. Шунингдек, дурзийлар ва оз сонли араблар ҳам сионистик армиянинг бир қисмидир. Бироқ бу етмаяпти. Бу бўшлиқни тўлдириш учун кўплаб ташаббус ва операция муқобилларини ишлаб чиқдилар. Кўпроқ ривоятларга асосланган психологик операциялар билан турли миллатлардан аскар йиғишга ҳаракат қилмоқдалар. Ҳиндлар ҳам шулардан бири. Ташқи томондан аҳолини кўчиришдек туюлган бу сўнгги ҳинд кўчимининг асосида аскар топиш хавотири ётибди. Яқин йилларда 50 мингдан ортиқ ҳинд Исроил армияси камуфляжини кийса, бу ҳеч қандай кутилмаган ҳол бўлмайди. Чунки уларнинг мақсади шу. Бундан ташқари, Исроилнинг босиб олинган ерларга жойлаштириш учун яҳудий аҳолиси қолмади. Бу бўшлиқни ҳам ҳиндлар билан тўлдириш ҳисоб-китобини қилмоқдалар. Ҳиндистондан келтирилганларни Эгей оролларига жойлаштириш ҳам айни шу лойиҳанинг бир қисмидир. Ҳиндистон жамоатчилиги ва ҳукумати нуқтаи назаридан эса, Исроил билан ҳамкорлик қилиб Кашмирни ҳам “Фаластинлаштириш” тушунчаси ҳукмрон. Исроил уларга шуни ваъда қилмоқда. Шунингдек, баҳоийлик бу операцияда муҳим восита сифатида ишлатилмоқда. Ҳиндларнинг “Йўқолган яҳудий қабиласи” экани ҳақидаги ҳикоя ҳам бошқа бир омилдир”, дея баҳо берди.

Ҳиндистон-Исроил муносабатлари 2014 йилдан кейин жиддий суръат касб этганига диққат қаратган тадқиқотчи Ойдин Гувен ҳам “олти қиррали” иттифоқ деб таърифланган муносабатлар тармоғига урғу берди. Гувен: “Нью-Делини Фаластин марказли мувозанат сиёсатидан узоқлаштирган асосий омил хавфсизлик, технология ва геоиқтисодий ўқдаги қайта позицияланиш стратегияси бўлди. Исроил бу нуқтада Ҳиндистонга стратегик ва иқтисодий жиҳатдан йўл очиб бериш мажбуриятини олди. Ҳиндистон ҳозирги вазиятда Исроил мудофаа саноатининг энг йирик импортчиси ҳисобланади. Қурол савдосидан ташқари, улар 10 миллиард доллардан ошган савдо ҳажмига етдилар. Ҳатто бу даврда Ҳиндистон-Исроил муносабатлари стратегик ҳамкорлик чегарасидан чиқиб, кимлик ва хавфсизликка асосланган мафкуравий иттифоқ хусусиятини касб этди. Бу ерда масаланинг яна бир томони Туркияга қарши геосиёсий қамал қилиш жиҳатидир. Жанубий Кипр ва Исроил ҳам дохил бўлган электр узатиш линиялари лойиҳаси Ҳиндистондан Грециягача чўзиладиган IMEC коридори доирасида амалга оширилаётганини эслашимиз керак. Шунингдек, Тель-Авивнинг “Ҳиндистон-Ўрта Шарқ-Европа иқтисодий коридори” доирасида электр линиясини Ҳинд ярим оролигача узайтириш режалари борлиги ҳам маълум”, деб таъкидлади.

Ҳиндистон-Исроил иттифоқининг яна бир тўлдирувчи омили – 2025 йилнинг иккинчи ярмида ҳиндларнинг Эгей оролларида мулк сотиб олиш улуши 40 фоизга етишидир. Бунга параллел равишда Греция ва Ҳиндистон ўртасида чуқурлашиб бораётган иқтисодий ва стратегик ҳамкорлик доирасида Ҳиндистон компанияларининг, айниқса Крит оролида янги логистика ва инвестиция базаларини қура бошлаши яна бир муҳим қадам сифатида диққатни тортди.