Марокашдан Испанияга муҳожирлар оқими

Марокашнинг шимолидаги Кастильехос (Фнидек) қирғоқларидан Испаниянинг Шимолий Африкадаги ҳудуди Сеутага ўтишга ҳаракат қилган минглаб тартибсиз муҳожирларга қарши кенг кўламли операция уюштирилди. Испания ҳудудга зирҳли машиналар ва қўшимча ҳарбий қисмларни жўнатган бўлса, Сеута маъмурияти фавқулодда вазият чақириғини эълон қилди. Хавфсизлик кучлари сузиб чегарадан ўтишга уринган минглаб одамларнинг йўлини тўсиб қўйди, воқеаларда 18 нафар муҳожир ҳалок бўлгани маълум қилинди.

Испаниянинг Шимолий Африкадаги мухтор шаҳри Сеута сўнгги кунларда ортиб бораётган тартибсиз муҳожирлик уринишлари сабабли хавф остида қолди. Марокашнинг Кастильехос (Фнидек) қирғоқларидан Сеутага етиб боришга интилган юзлаб муҳожирларга қарши кўрилган чора-тадбирларда 18 киши ҳалок бўлди, Испания ҳукумати эса чегара хавфсизлигини мустаҳкамлаш учун армияни ишга солди.

Марокаш хавфсизлик кучлари кеча тунда Сеутага ўтишга уринган 800 дан ортиқ тартибсиз муҳожирнинг олдини олиш мақсадида оператсия ўтказди. Аралашув вақтида чиққан можароларда 18 муҳожир ҳалок бўлди, кўплаб кишилар эса ҳибсга олинди. Қўлга олинган баъзи муҳожирлар Фнидек шаҳри ташқарисига чиқарилгани, ҳудудда назорат ва кузатув ишлари давом этаётгани билдирилди.

Муҳожирлик босими кучайганидан сўнг Испания ҳукумати ҳам Сеутада хавфсизлик чораларини юқори даражага кўтарди. Ҳудуддан тарқатилган тасвирларда зирҳли шахсий ташигичлар, ҳарбий юк машиналари ва тўлиқ анжомли аскарлар шаҳрининг турли нуқталарида жойлаштирилгани кўринди. Аскарлар муҳим ҳудудларда хизмат қилаётгани ва зирҳли машиналар билан патрул фаолияти давом этаётгани қайд этилди.

Маҳаллий матбуотга кўра, сўнгги бир ҳафта ичида кўпчилиги сузиб ўтган ҳолда тахминан минг 500 ноқонуний муҳожир Марокашдан Сеутага етиб борган. Испания расмийлари ҳали расмий сонини очиқламаган бўлса-да, Испанияга ўтган баъзи муҳожирлар чегарадан чиқариб юборилиб, Марокашга қайтариб юборилгани ифода этилди. Бош вазир Педро Санчес эса ҳукумат мавжуд барча имкониятларини сафарбар этганини очиқларкан, Сеутадаги хавфсизлик чоралари кучайтирилган ҳолда давом этишини маълум қилди.