Францияда автомобиль оломон устига ҳайдалди

Франциянинг Кан шаҳрида бир автомобиль оломон устига ҳайдаб кириши оқибатида камида 1 киши ҳаётдан кўз юмди, 10 киши жароҳат олди. 1 киши қўлга олинган ҳодиса ҳудуддаги кўнгилочар масканда чиққан жанжалдан кейин содир бўлгани тахмин қилинмоқда.

Франциянинг Нормандия минтақасида жойлашган Кан шаҳрида тунги вақтларда қўрқинчли лаҳзалар юз берди.

Маҳаллий матбуотда тарқалган хабарларга кўра, бир автомобиль соат 22:00 атрофида ҳали аниқ маълум бўлмаган сабабга кўра оломон орасига бостириб кирган.

Кан темир йўл вокзали яқинида содир бўлган воқеадан кейин ҳудудга кўплаб полиция ва биринчи ёрдам гуруҳлари юборилди, маҳаллий расмийлар эса дастлабки маълумотларга кўра камида 1 киши ҳалок бўлганини, 6 нафари енгил жароҳат олган 10 киши тан жароҳати олганини маълум қилишди.

1 гумонланувчи қўлга олингани ва батафсил тергов бошлангани билдирилди. Ҳодиса ҳудуддаги кўнгилочар масканда чиққан жанжалдан сўнг юз бергани тахмин қилинса-да, бу даъво ҳали расмий идоралар томонидан тасдиқланмади.