Перудаги тарихий қабристонда бир кўзли чақалоқ скелети топилди

Перуда тахминан 1 600 йиллик Наска қабристонида ўтказилган қазилма ишларида биттагина кўз косасига эга чақалоққа тегишли қолдиқлар топилди. ДНК таҳлиллари туғма нодир нуқсон тризомия 13 билан боғлиқ бўлиши мумкинлигини кўрсатди.

Перуда тахминан 1 600 йил олдин яшаган қадимги Наска халқига тегишли қабристонда олиб борилган археологик қазилмалар чоғида юз қисмида биттагина кўз косаси мавжуд чақалоқ қолдиқлари топилди.

Калифорния университети антропологи Ларс Фехрен-Шмиц ДНК таҳлиллари 13-хромосоманинг ортиқча нусхаси мавжудлигини кўрсатганини маълум қилди.

Скелет устида ўтказилган текширувларда унинг юз қисмининг ўртасида биттагина кўз косаси борлиги аниқланди.

Генетик таҳлиллар натижасида тризомия 13 сифатида маълум бўлган хромосомал аномалия мазкур туғма нуқсоннинг эҳтимолий сабаби экани белгиланди.

Бир кўзлилик эмбрионал олдинги миянинг (прозенцефалон) эмбрионал ривожланишнинг эрта даврида ўнг ва чап ярим шарларга тўғри ажрала олмаслиги натижасида юз қисмининг ўртасида битта кўз косаси шаклланишига олиб келадиган нодир туғма нуқсон сифатида маълум.