Норвегия бош вазирига жарима белгиланди

Норвегияда бош вазир Эрна Сульберг туғилган кунини кенг нишонлаб, ўзи қўйган Covid-19 чора-тадбирларини бузганлиги учун 20 минг крон (2 минг 350 доллар) жаримага тортилди. Ўтган февраль ойида шунга ўхшаш ҳолат бўйича хатосини бўйнига олган Сульберг билан боғлиқ полиция ташкилотидан берилган баёнотда “Ўлка бош вазири бошқаларга ўрнак бўлиши лозим. Қонунлар ҳамма учун бирдек бўлса ҳам ҳамма бирдек эмас” дейилганди.

Бош вазир Эрна Сульберг ўтган февраль ойида ҳам чанғи марказига бориб, оилавий тадбирда иштирок этгани ва ўлканинг карантин қоидаларига амал қилмаганлигини бўйнига олганди.

Норвегия бош вазири пандемия қоидаларини бузган ягона юқори лавозимли амалдор эмас. Булар орасида 80 дан ортиқ киши иштирок этган кечки овқатда бўлган ва август ойида истеъфога чиққан Европа иттифоқи тижорий алоқалар бошлиғи Филл Ноган ҳам бор.

Норвегиянинг қўшниси Швецияда бош вазир Стефан Лёвен тиббий ниқоб тақмасдан дўконга чиққач, аҳоли орасида норозиликлар бўлганди. Оқибатда ўтказилган сўровномада уни қўллаб-қувватловчиларнинг овози камайган эди.