Роналду “Ювентус”дан кетди

Туриннинг “Ювентус” жамоаси ҳужумчиси Криштиану Роналду клубни тарк этиш ҳақида сўнгги қарорини қабул қилди.

Бу ҳақда футбол трансферлари бўйича мутахассис - журналист Фабрицио Романо хабар бермоқда.

У “Роналду клубни тарк этишга қарор қилди ва клуб раҳбарияти бунга рози бўлди” деб ёзди.

Маълумотларга қараганда Роналду Англиянинг “Манчестер Сити” жамоасига ўтишни режалаштирмоқда.