Туркистонда гастрофестивал бўлади

Туркистонда илк бор гастрофестивал бўлади.

Ушбу тадбир 1 октябрь кунига мўлжалланган бўлиб, биринчи президент паркида ўтказилади.  Шаҳардаги 25 дан ортиқ муассаса меҳмонлар учун ўз муаллифлик рецепти асосида миллий таомлар, маҳаллий деликатеслар, ширинликлар ва ичимликлар тайёрлашади.

Фестивал меҳмонлари ушбу таомлардан татиб кўриб, жануб меҳмондўстлигини ҳис этишлари мумкин. Бундан ташқари, фестивал концерт дастурлари билан давом этиб, турли ўйинлар, тезроқ овқатланиш бўйича мусобақалар ва бошқа тадбирлар ҳам режалаштирилган.

Меҳмонларга шаҳардаги кафе ва ресторанлар маълумотлари туширилган бепул гастрокарта тарқатилади. Бу ерда Туркистондаги энг мазали ош қаерда тайёрланиши, энг мазали ширинликлар, болалар учун дам олиш жойлари ҳақида маълумотга эга бўлиш мумкин.

Фестивал 1 октябрь куни соат 12:00 дан 20:00 гача давом этади.