Кенияда очлик тариқати

Кенияда ғайриинсоний ҳодиса юз берди. “Очликдан ўлсангиз ҳазрати Исо билан танишасиз деб алданган 47 киши ҳаётдан кўз юмди. Ҳодиса юзасидан тергов давом этмоқда.

Кенияда очлик тариқати бўйича суриштирув ишлари давом этаётган бир вақтда полиция кўплаб кишиларнинг жонсиз таналарини топишди. Порт шаҳар Малинди яқинидаги Шакахола ўрмонида давом этаётган қазилма ишларида жонсиз таналар сони 47 нафарга етди.

Ички ишлар вазири Китуре Киндики берган баёнотида 320 гектардан ортиқ ҳудудга эга ўрмон бутунлай бекитилгани ва жиноят жойи деб эълон қилинганини айтиб, бу ваҳшатнинг айбдорларини жазолаш билан чекланиб қолмай, балки ҳар черков, масжид, бутхона ва синагог учун янада қатъий тартиблар жорий этиш вақти келганини билдирди. Кения нашрларида тариқат бошчиси деб айтилган ва ҳибсга олинган воиз Пол Маккензининг қамоқда еб-ичишдан бош тортганлиги айтилди.

Маккензининг кўплаб кишига очликдан ўладиган бўлса ҳазрати Исо билан танишишини айтганлиги иддао этилмоқда. Полиция очликдан ўлганлиги гумон қилинаётган 4 кишининг жасадини топганидан кейин уни ҳибсга олганди.