Родри — “Олтин тўп-2024” соҳиби

Парижда “Олтин тўп-2024” маросими бўлиб ўтди. Унда жаҳоннинг энг яхши футболчиси ва яна бир қатор номинацияларда ғолиблар аниқланди.

Бош мукофот “Манчестер Сити” клуби ва Испания миллий жамоаси яримҳимоячиси Родри Эрнандесга насиб этди.

28 ёшли футболчи ўтган мавсумда миллий жамоаси билан Европа чемпионатида зафар қучди ва турнирнинг энг яхши ўйинчиси деб топилди. Шунингдек, Родри “Сити” сафида АПЛда чемпион бўлди.

Топ-5дан “Реал”нинг 3 футболчиси — Винисиус Жуниор (2), Жуд Беллингҳэм (3), Дани Карвахал (4) ва “Манчестер Сити” ҳужумчиси Эрлинг Ҳоланд (5) ўрин олди.

Аёллар ўртасида “Барселона” футболчиси Айтана Бонмати қаторасига иккинчи йил “Олтин тўп”га сазовор бўлди.

Маросимда яна бир қатор номинацияларда ғолиблар эълон қилинди:

Энг яхши мураббий — Карло Анчелотти (“Реал”/Италия)

Аёллар футболида энг яхши мураббий — Эмма Ҳайес (“Челси”/АҚШ)

Энг яхши клуб — “Реал” (Испания)

Энг яхши аёллар жамоаси — “Барселона” (Испания)

Энг яхши ёш футболчи — Ламин Ямал (“Барселона”/Испания)

Энг яхши дарвозабон — Эмилиано Мартинес (“Астон Вилла”/Аргентина)

Энг яхши ҳужумчи — Ҳарри Кейн (“Бавария”/Англия) ва Килиан Мбаппе (“ПСЖ” ва “Реал”/Франция)

Инсонпарвалик ёрдами учун Сократис соврини — Женнифер Эрмосо (“Атлетико”/Испания)

kun.uz дан олинди.