Телефон блокировкага тушиб қолмаслик учун

24 мартдан бошлаб Рақамли ривожланиш, инновациялар ва аэрокосмик саноат вазирлигининг буйруғига мувофиқ, Қозоғистонда мобил алоқа абонент қурилмаларини рўйхатдан ўтказиш тизими жорий этилади. У учта тоифага бўлинади: оқ, кулранг ва қора рўйхатлар.

IMEI нима?

IMEI (International Mobile Equipment Identity) – халқаро мобил қурилма идентификатори бўлиб, ҳар бир мобил телефон ёки SIM-картага эга қурилманинг ўзига хос коди ҳисобланади. У одатда 15 рақамдан иборат бўлади.

IMEI нинг вазифалари:

Қурилмани мобил тармоқда аниқлаш;

Телефон йўқотилган ёки ўғирланган тақдирда уни оператор орқали блоклаш;

Қурилманинг ҳақиқийлигини текшириш.

Мобил алоқа абонент қурилмаларини рўйхатдан ўтказиш рўйхатлари

Оқ рўйхат – текширувдан муваффақиятли ўтган ва рўйхатга олинган қурилмалар.

Кулранг рўйхат – қўшимча текширув талаб қилувчи, бироқ вақтинчалик 30 кунга тармоқда ишлашига рухсат берилган қурилмалар.

Қора рўйхат – IMEI ўзгартирилган ёки нотўғри бўлган, завод идентификацион кодига эга бўлмаган ёки халқаро GSMA қора рўйхатига киритилган қурилмалар.

IMEI н и қандай текшириш мумкин?

Қозоғистонда IMEI кодларининг маълумотлар базаси мавжуд бўлиб, уни imei.rfs.gov.kz сайтида текшириш мумкин. У ерда сиз:

Қурилмангизнинг IMEI рақамини текширишингиз;

ИИН орқали нечта рақам рўйхатдан ўтганини билишингиз;

Сизнинг IMEI рақамингизга нечта абонент рақами бириктирилганини кўришингиз мумкин.

IMEI текширилганда фақат илк 14 рақам инобатга олинади.

Сотувчилардан IMEI бўйича текширувлар

Kcell

IMEI ни текшириш учун:

Телефонда *#06# кодини теринг – экранда IMEI пайдо бўлади.

Android: Созламалар → Телефон ҳақида → IMEI.

iPhone: Созламалар → Асосий → Бу қурилма ҳақида → IMEI.

Қутисида ёки кафолат талонида IMEI рақами кўрсатилган бўлади.

Агар телефон батареяси олинадиган бўлса, IMEI рақами унинг остида жойлашган бўлади.

IMEI нинг рўйхатга олинганлигини қандай текшириш мумкин?

USSD-команда: *660*2# ни теринг ва йўриқномага амал қилинг.

Операторнинг шахсий кабинети: "Менинг қурилмаларим" бўлимида рўйхатдан ўтган IMEI ҳақидаги маълумот мавжуд.

Kcell марказига мурожаат қилиш – шахсий идентификация асосида IMEI текшириш имконияти мавжуд.

Агар IMEI сизнинг номингизда рўйхатдан ўтмаган бўлса, сабаблари қуйидагича бўлиши мумкин:

Телефон аввалги эгаси номида рўйхатдан ўтган.

ИИН нотўғри киритилган.

Қурилма юридик шахс номига рўйхатдан ўтказилган.

Beeline

IMEI ни текшириш учун: *#06# теринг. Бу усул смартфонлар ва кнопкали телефонлар учун амал қилади.

Қурилма корпуси ёки қутисида ҳам IMEI рақами кўрсатилган бўлади.

Қурилмангизнинг IMEI рақамига нечта абонент рақами уланганини махсус сайт орқали текширишингиз мумкин.

Tele 2

Android: Созламалар → Телефон ҳақида → Қурилма ҳақида маълумот → Ҳолат → IMEI.

iPhone: Созламалар → Асосий → Бу қурилма ҳақида → IMEI.

Кнопкали телефонлар: *#06# кодини теринг.

Wi-Fi-роутер ва авто сигнализацияда IMEI ни текшириш

Wi-Fi роутер: Унинг корпусида ёки қутисида IMEI рақами ёзилган бўлади.

Авто сигнализация: Контроллер корпусида ёки махсус металлик пластинада IMEI рақами мавжуд бўлади.

Асосий хулосалар

Кимга хавотирланиш шарт эмас?

Агар телефон расмий дўкондан сотиб олинган бўлса (лекин барибир текшириб кўринг).

Агар IMEI рақами телефон, қутиси ва созламаларда бир хил бўлса.

Агар қурилма рўйхатдан ўтган ва қора рўйхатга киритилмаган бўлса.

Ким IMEI бўйича текширишга эътибор қаратиши керак?

Агар телефон иккинчи қўлдан ёки ишончсиз жойдан сотиб олинган бўлса.

Агар телефон норасмий сайтда, ломбард ёки кўчадан сотиб олинган бўлса, қуйидаги хавфлар бор:

Телефон ўғирланган ва оператор томонидан блокланган бўлиши мумкин.

IMEI ўзгартирилган бўлиши мумкин.

Қурилма кулранг рўйхатга тушиб, 30 кундан сўнг тармоқдан узилиши мумкин.

Огоҳ бўлинг!

IMEI масалаларида учинчи шахсларга ишонманг! Кўпинча, шубҳали шахслар "рўйхатдан ўтказиш" ёки "блокни олиб ташлаш" учун пул талаб қилишади, аммо аслида вазиятни янада ёмонлаштиришлари мумкин.

Телефон ҳужжатларсиз ва оригинал қутисиз сотиб олинмаслиги керак!

Агар IMEI кулранг рўйхатда бўлса, уни мобил оператор орқали ўз номингизга рўйхатдан ўтказинг. Бу жараён мутлақо бепул!