Дунёдаги энг баланд кўприк

Дунёдаги энг баланд кўприк Хитойда очилишига тайёрланмоқда.

Ушбу улкан лойиҳа тугалланиши билан икки соатлик саёҳат бир дақиқага тушади. Бу ҳақда Хитой давлат ОАВлари хабар берди.

Жануби-ғарбий Хитойнинг Гуйчжоу вилоятида қурилаётган Хуачзянг Катта Канён кўприги қурилиши якунига яқинлашмоқда. Кўприкнинг қурилиши ёз ойларида тугатилиши кутилмоқда.

Хуачзянг дарёсидан 625 метр баландликда жойлашадиган ушбу кўприк, ҳозирги рекорд эгаси — Франциядаги Мийо виадукидан 289 метр баландроқ бўлади.

Кўприк "ер юзининг ёриғи" деб ҳам аталадиган Хуачзянг Катта Канён устидан ўтади. Қурилиш ишлари 2022 йил 18 январда бошланган бўлиб, Гуйчжоу маҳаллий давлат ОАВларига кўра 2025 йил 30 июнгача тугатилиши режалаштирилган.

Гуйчжоу автомобиль йўллари гуруҳи бош муҳандиси Чжан Шэнлин China Daily давлат газетасига берган баёнотида қуйидагиларни айтди:

“Ҳозирда кўприк қурилиши 95 фоизга якунланган. Уни фойдаланишга топшириш 2025 йилнинг иккинчи ярмига режалаштирилган. Шу вақтгача ушбу улкан лойиҳа 'ер юзи ёриғи'дан ўтувчи дунёдаги биринчи икки томонлама ҳаракатга мўлжалланган кўприк бўлади. Бу Хитойнинг инфратузилма салоҳиятини намоён этувчи яна бир рамзий иншоотга айланади.”

Шунингдек, дунёдаги энг баланд 100 кўприкнинг деярли ярми Гуйчжоу вилоятида жойлашгани ҳам таъкидланган.