Эфирда Нетаняҳуга қарши реклама

Fox News телеканалида эфирга узатилган Нетаняху га қарши рекламада Исроил Бош вазири АҚШ президентларини йиллар давомида ўз манфаати йўлида бошқариб келгани иддао қилинди. Рекламада Билл Клинтон, Барак Обама, Жо Байден ва Доналд Трамп нишонга олинган. Рекламани номи номаълум MAGAFNP гуруҳи бергани айтилмоқда, у Президент Трампга огоҳлантириш сифатида қаратилган.

АҚШ марказли Fox News телеканалида кеча, АҚШ президенти Доналд Трампнинг севимли дастурларидан бири — Fox & Friends давомида Исроил Бош вазири Биньямин Нетаняхуга қарши реклама намойиш этилди.

Рекламда Нетаняхунинг АҚШнинг собиқ президентлари Билл Клинтон, Барак Обама, Жо Байден ҳамда амалдаги Президент Трамп билан тушган лавҳалари кўрсатилиб, қуйидаги сўзлар айтилди:

«Нетаняху йиллар давомида АҚШ президентларини манипуляция қилди.

Билл Клинтонни ноғорасига ўйнатди, Обамани алдаб кетди, Байденни маймундек ўйинга солди.

Энди эса, Газо масаласида сизни ҳам алдашга уриняпти, Президент Трамп.

Сиз Нобел Тинчлик мукофотига муносибсиз, жаноб Президент.

Аммо Нетаняхуга ишонганларнинг ҳаммаси адашди. У фақат ўзини ўйлайди.

У ожиз ҳолатда. У заиф президентларни аҳмоқ қилиб кўрсатди.

Президент Трамп, унинг сизга ҳам худди шундай қилишга изн берманг».

Рекламани MAGAFNP номли номаълум гуруҳ эфирга узатгани таъкидланди.