Бу стадион осмонга қурилади

Саудия Арабистони 2034 йилги Жаҳон чемпионати учун ердан 300 метр баландликда қуриладиган "Neom Sky Stadium" лойиҳаси билан футбол мухлисларини ҳайратда қолдирди. Стадионга фақат юқори тезликдаги лифтлар орқали кириш мумкин бўлади ва 46 минг томошабинга мўлжалланган. Ижтимоий тармоқларда кўплаб фойдаланувчилар "Мингларча одам лифт билан қандай чиқади?", "Тўп ташқарига чиқиб кетса нима бўлади?" каби саволлар билан мурожаат қилишди.

Футбол мухлислари Саудия Арабистонида 2034 йилги Жаҳон чемпионатига тайёр бўлиши режалаштирилган дунёдаги илк "осмон стадиони"га тегишли эканлиги иддао қилинган ва ижтимоий тармоқларда тарқалган видеодан ҳайратга тушди.

Тасвирларда ҳали қурилмаган "The Line" деб номланган шаҳарда, ердан тахминан 300 метр баландликда жойлашиши айтилаётган "Neom Sky Stadium" номли улкан иншоот кўринади. Аммо кўпчилик бу сунъий интеллект маҳсули бўлган "тўқима" бўлиши мумкин, деб ҳисобламоқда.

Видеода стадион атрофдаги барча бинолардан анча юқорида, улкан платформа каби ҳавода тургани кўринади.

Иддаоларга кўра, стадионга фақат юқори тезликдаги лифтлар орқали кириш мумкин бўлади. Аммо ҳам бу тафсилотлар, ҳам стадионнинг ҳақиқийлиги футбол мухлисларининг катта шубҳаларига сабаб бўлди.

Daily Mail'дан олинган маълумотларга кўра, Саудия расмийлари 46 минг томошабин сиғимига эга бўлган бу иншоот ҳақиқатан ҳам катта тадбирларга мезбонлик қилиши мумкинлигини иддао қилса-да, ижтимоий тармоқларда кўплаб фойдаланувчилар: "Мингларча одам лифт билан қандай чиқади?", "Тўп ташқарига чиқиб кетса нима бўлади?" каби саволлар билан мурожаат қилишди.

Бир ижтимоий тармоқ фойдаланувчиси X (собиқ Twitter) да шундай ёзди:

"Мингларча одам ўйинга лифт билан чиқиб, кейин пастга тушадими? Менга керак эмас."

Бошқа бири эса: "Бундай ҳашаматли ғоя яхши, лекин ҳеч қачон амалга ошмаслиги керак. Хавфсизлик, соғлиқ ва хатарлар бир-бирига жуда боғлиқ", деган фикрларни билдирди.

Баъзилар ҳазил аралаш: "Пастда юрганингизда тепадан футбол тўпи тушса нима бўлади?", деб сўрашди.

Гарчи бу ҳафта ижтимоий тармоқларда тарқалган видео ҳақиқий бўлмаслиги мумкин дейилса-да, "Neom Sky Stadium" лойиҳаси ҳақиқатан ҳам Саудия Арабистонининг режалари орасида эканлиги тасдиқланди.

Neom'нинг расмий Facebook саҳифасида ўтган йили тарқатилган тасвирлар стадионнинг бошқачароқ, лекин шунга ўхшаш "футуристик" дизайни мавжудлигини кўрсатади.

Лойиҳага кўра, қурилиш 2027 йилда бошланади, 2032 йилда тугатилади ва шу тариқа 2034 йилги Жаҳон чемпионатига етиб келинади.

Бу стадион Саудия Арабистонининг шимоли-ғарбида қурилиши режалаштирилган "The Line" деб номланган ақлли шаҳар лойиҳасининг бир қисмидир. Шаҳарда автомобиллар бўлмайди ва у фақат бир неча километр узунликда бўлиши учун мўлжалланган.

Саудия Арабистони 2034 йилги Жаҳон чемпионатини ўтган йили ФИФА Конгрессида рақибсиз тарзда қўлга киритган эди. Турнир учун режалаштирилган 15 та стадиондан фақат тўрттаси ҳозирда қурилган.

Турнирнинг саккизта стадиони пойтахт Ар-Риёдда жойлашади. Очилиш ва финал ўйинлари 92 минг 760 киши сиғимли Қирол Салмон халқаро стадионида ўтказилиши кутилмоқда.

Бошқа стадионлар орасида Qiddiya Coast Stadium ва томида жойлашадиган Шаҳзода Муҳаммад бин Салмон стадиони ҳам бор.

2034 йилги Жаҳон чемпионати Яқин Шарқдаги 10 йил ичидаги иккинчи ташкилий иш бўлади. Биринчиси 2022 йилда Қатарда бўлиб ўтган ва тарихда илк бор қиш ойларида ўйналган эди.

Янги стадионда 2 мингдан ортиқ махсус ложа ва 4 та машғулот майдони бўлиши айтилмоқда.

ФИФА президенти Жанни Инфантино октябрь ойида берган баёнотида футбол мухлислари турнир саналари борасида "очиқ фикрли бўлишлари" кераклигини айтиб, қуйидагиларни билдирди:

"Баъзи мамлакатларда июль ойида футбол ўйнаш жуда қийин. Эҳтимол, биз тақвимни қайта ташкил қилишимиз керак. Агар бутун дунёда бир вақтнинг ўзида ўйнайдиган бўлсак, март ёки октябрь энг мақбул давр бўлиши мумкин."

2034 йилги Жаҳон чемпионатидан олдин, 2026 йилги турнир Америка Қўшма Штатлари, Канада ва Мексика мезбонлигида ўтказилади.

2030 йилги Жаҳон чемпионати эса Испания, Португалия ва Марокаш томонидан ташкил этилади; Аргентина, Парагвай ва Уругвай ҳам турнирнинг 100 йиллигига бағишлаб баъзи ўйинларга мезбонлик қилади.