Зеленский Путинга очиқ мактуб йўллади

Украина президент Зеленский Россия президент Путинга йўллаган очиқ мактубида урушни тугатиш учун раҳбарлар даражасида тўғридан-тўғри музокаралар ўтказишни таклиф қилди. Туркия ҳам ичида бўлган баъзи давлатлар ушбу учрашувга мезбонлик қилиши мумкинлигини билдирган Зеленский, музокаралар давомида ҳар томонлама ўт очишни тўхтатишга тайёр эканликларини маълум қилди.

Украина президент Владимир Зеленский Россия президент Владимир Путинга қаратиб ёзган очиқ мактубида, икки давлат ўртасида деярли тўрт йилдан буён давом этаётган урушни якунлаш мақсадида тўғридан-тўғри учрашув ўтказишга чақирди.

Мактубида урушнинг ечими раҳбарлар даражасида ўтказиладиган учрашувларга боғлиқ эканини таъкидлаган Зеленский, “Украина урушни фақат бизнинг ва сизнинг ўртангизда, икки томонлама форматда якунлашни таклиф қилади. Шу сабабли учрашув ташкил этишни илгари сураман” ибораларини қўллади.

Учрашув бўлиб ўтиши мумкин бўлган манзиллар ҳақида ҳам тўхталган Зеленский, Туркия, Швейцария ва баъзи Араб давлатлари бундай йиғилишга мезбонлик қилишга интилаётганини билдирди. Украина раҳбари томонлар энг қисқа вақт ичида учрашув санаси бўйича келишиб олишлари зарурлигини қайд этди.

Музокаралар жараёнида кенг қамровли ўт очишни тўхтатишга тайёр эканликларини ифода этган Зеленский, бу аввалроқ турли ҳудудларда қўлланган вақтинчалик ўт очишни тўхтатиш моделларига ўхшаш тарзда ҳаётга тадбиқ этилиши мумкинлигини айтди. Ўт очишни тўхтатиш жараёнини назорат қилишда АҚШ кузатувчи ва кафил (гарант) ролини ўз зиммасига олиши мумкинлигини ҳам тилга олди.

Асирлар алмашинуви масаласига ҳам тўхталиб ўтган Зеленский, “ҳаммага қарши ҳамма” тамойили асосида кенг кўламли алмашинув ўтказишни таклиф қилди. Уруш вақтида ушлаб турилган тинч аҳоли ва болаларнинг ўз мамлакатларига қайтиши ҳам устувор мавзулар қаторида бўлиши кераклигини таъкидлаган Зеленский, бу доимий тинчлик учун муҳим бошланиш бўлишини ифода этди.

Мактубида Россия уруш сабабли иқтисодий ва дипломатик жиҳатдан жиддий йўқотишларга учраганини даъво қилган Зеленский, Украина ўз мустақиллигини ҳимоя қилишда давом этишини таъкидлади. Украина халқи давомли урушни хоҳламаслигини билдирган Зеленский, “Урушсиз ҳаёт жуда яхши эканини биламиз. Бу урушни тугатиш вақти келди” деган хабарни йўллади.

Кремль саройи эса Зеленскийнинг мактуби етиб келганини тасдиқлади. Кремль матбуот котиби Дмитрий Песков Россия президент Путиннинг иш режаси зичлиги сабабли мактубни ҳали кўриб чиқа олмаганини билдириб, ҳужжат тегишли вақтда Путинга етказилишини маълум қилди.