Ракдан сақланиш учун

Ўтказилган тадқиқотда уяли телефон, симсиз интернет, ноутбук ва планшет каби электромагнит таъсири бўлган жиҳозларнинг ракка йўл очиши маълум бўлди.

Она қорнидаги гўдакнинг суюқлигидан олинган ҳужайра намуналарида янги ташкил топган хромосомаларда зарарни аниқлаган мутахассислар ҳозирги кунда кўп фойдаланиладиган мобил телефонни илк чақириши билан қабул қилмаслик ҳақида огоҳлантиришди. Ривожланган технология ҳаётни осонлаштирса ҳам кунлик турмушимизда фойдаланган электрон жиҳозлар тарқатаётган электромагнит тўлқинлар сабабли инсон соғлигига салбий таъсир қилмоқда. Ҳаётимизнинг ҳар бир соҳасида бўлган бу жиҳозларнинг инсонларга салби      й таъсирларини тадқиқот қилган Чукурова университети тадқиқотчилари шов-шувли натижаларни қўлга киритди. Она қорнидаги гўдакнинг суюқлигидан олинган ҳужайра намуналари устида тадқиқот олиб борган мутахассислар янги ташкил топган хромосомаларда зарарни аниқлашди. Бу салбий ҳолат ракдан бошлаб кўплаб касалликларга олиб келади. Университетнинг тиббиёт факультети профессори Усмон Демирхан “Электромагнит майдон қон ракига сабаб бўлмоқда. 10 йилдан кўп вақт мобил телефондан фойдаланиш ёки электромагнит майдон ичида қолиш ракни келтириб чиқаради” деди. Хромосомаларда юзага келган бузилишларнинг ген йўли билан наслдан наслга ҳам ўтишини хотирлатган Демирхан мобил телефонни танлаётганда абсорбция миқдори маъносига келадиган “SAR (Specific Absoration Rate) миқдорига” диққат қилишимиз кераклигини таъкидлаб “Телефон олаётганда SAR миқдорига эътибор беришимиз керак. Бу телефоннинг абсорбция миқдори, яъни манбадан, спутникдан олаётган ёки телефон станциясидан тортадиган кучнинг миқдоридир. Бу куч жуда муҳим. Бунга қараб телефон танлашимиз керак” деди. Кунлик ҳаётимиз электромагнит майдон ичида ўтаётганига эътибор қаратган Демирхан тажрибаларини инсон устидаги электромагнит майдон таъсир қилмаслиги учун она қорнидаги суюқлик ҳужайраларини электромагнит майдон таъсир қилдириб, ўтказганини маълум қилди.

Электромагнит майдонларнинг айниқса мобил телефонларда кенг тарқалганини билдирган Демирхан телефон илк чақирганида телефонда жуда кучли магнит майдон ҳосил бўлишига эътибор қаратиб, бу вақтда қўнғироқни қабул қилмасликни айтди.

Атрофга тарқалаётган электромагнит тўлқинларнинг вужудга ютилиш тезлиги сифатида маълум бўлган SAR мобил телефонлар билан бирга ҳаётимизга кириб келган тушунча. Ватт/кг сифатида ҳисобланадиган бу SAR миқдори чегараси Европа иттифоқи кенгаши тарафидан 2Ватт/кг, АҚШда 1,6 Ватт/кг деб белгиланган. Бу лимитлар қонунан белгиланмаган лимит бўлса ҳам ишлари туфайли электромагнит тўлқинлар остида бўлганлар учун 0,4 В/кг, аҳоли учун эса 0,08 В/кг дан баланд миқдорларни таҳликали деб билишади.