Дунёнинг энг аҳоли зич шаҳарлари

БМТ ҳисоботида Бангладеш пойтахти Дакканинг 36 миллионлик аҳолиси билан "аср ўрталаригача дунёдаги энг катта шаҳарга айланиши кутилаётгани" қайд этилган. БМТ прогнозларига кўра, Дакка 2050 йилда 52,1 миллион аҳолиси билан дунёнинг энг зич жойлашган шаҳри бўлади.

Токио аҳолиси Япониядаги қариш ва демографик инқироз туфайли 2,7 миллионга камайиши кутилмоқда.

"Дунё шаҳарлашуви истиқболлари 2025" ҳисоботи дунёдаги 8,2 миллиард инсоннинг деярли ярми ҳозирда шаҳарларда яшаётганини кўрсатиб, сўнгги 75 йил ичида шаҳар аҳолиси сони икки баробар ортганини аниқлади.

Дунё бўйича аҳолиси энг кўп бўлган 10 та шаҳарнинг 9 таси Осиёда жойлашган. Ягона истисно Миср пойтахти Қоҳира бўлиб, 25 миллион аҳолиси билан 7-ўринни эгаллаган.

Бошқа томондан, тез-тез зилзила ва сув тошқинларига учрайдиган Жакарта катта иқтисодий муаммолар билан курашмоқда. 2019 йил август ойида ўша пайтдаги Индонезия президенти Жоко Видодо мамлакат пойтахти дунёдаги энг юқори биологик хилма-хилликка эга бўлган мамлакатлардан бири ҳисобланган Борнео ҳудудида жойлашган Нусантарага кўчирилишини айтганди. Бироқ, бу ташаббус қурилишнинг кечикиши, хорижий инвестицияларнинг етишмаслиги, бошқарув ва ер муаммолари каби турли қийинчиликларга дуч келди.

Топ-10: Энг Аҳоли Зич Шаҳарлар (БМТ ҳисоботи бўйича)

Ҳисоботда дастлабки 10 таликка кирган бошқа шаҳарлар ва уларнинг аҳолиси тартиб бўйича қуйидагича:

1. Жакарта – 41 миллион 914 минг;

2. Дакка – 36 миллион 585 минг;

3. Токио – 33 миллион 413 минг;

4. Янги Деҳли – 33 миллион 222 минг;

5. Шанхай – 29 миллион 559 минг;

6. Гуанчжоу – 27 миллион 563 минг;

7. Қоҳира – 32 миллион 366 минг;

8. Манила - 24 миллион 735 минг;

9. Калкутта – 22 миллион 550 минг;

10. Сеул – 22 миллион 490 минг.