Нигерияда нефть ўғирламоқчи бўлган 43 киши ҳалок бўлди

Нигериянинг нефть қазилмаларига бой Риверс штатида нефть ўғирлаш уриниши пайтида заҳарли газ ҳидлаб ҳалок бўлганлар сони 43 нафарга етди.

Маҳаллий оммавий ахборот воситалари тарқатган хабарларга кўра, штатнинг Окрика маҳаллий бошқарув ҳудудидаги Окари пристанида содир бўлган воқеада ҳалок бўлганлар сони 43 нафарга етгани маълум қилинди.

Риверс штати полицияси матбуот котиби Агабе Блессинг Карбало воқеа юзасидан қилган баёнотида ҳалок бўлган ва заҳарланган шахслар нефть ўғирлашга уринганини айтди.

Карбало: “Воқеанинг жиддийлигини аниқлаш бўйича суриштирув ишлари давом этмоқда”, дея таъкидлади.

Окрика маҳаллий бошқарув ҳудудидаги Окари пристанида кеча тунда кўплаб ёшлар нефть ўғирлашга уринаётган пайтда заҳарли газ sizintisi (сизиб чиқиши) юз берган эди.

Воқеада камида 37 киши ҳалок бўлгани, ҳушини йўқотган айрим шахслар эса дарёга қулаб бедарак йўқолгани айтилган эди. Заҳарланишдан омон қолган айрим кишилар эса нафас олишнинг қийинлашиши сабабли касахонага ётқизилгани билдирилган эди.