АҚШ Махфий хизматининг хавфсизлик протоколлари 34 йилдан буён ўзгармаган...

Трампга қарши уюштирилган суиқасд уринишига қарамай, АҚШ Махфий хизматининг хавфсизлик протоколларини йиллардан буён янгиламагани маълум бўлди. Муассаса 1991 йилдан бери бир хил тизимдан фойдаланиб келаётгани аниқланди.

АҚШ Ҳукумат ҳисобдорлик офиси эълон қилган ҳисоботда Махфий хизматнинг АҚШ президенти ва чет элга сафар қиладиган бошқа расмийларни ҳимоя қилишга қаратилган протоколлари 1991 йилдан буён ўзгартирилмагани қайд этилган.

Энг сўнгги бор Трампнинг Туркияда ўтказилган НАТО саммитидан қайтишида хавфсизлик нуқтаи назаридан самолётини ўзгартиришга мажбур бўлганидан кейин масала кўтарилган эди. АҚШ Конгрессида олиб борилган терговда Махфий хизматнинг зарур янгиланишларни қилмагани, дронларга қарши йиллар давомида эски усуллар билан курашгани аниқланди.

АҚШ матбуоти Конгресс назорат органининг бу хулосалари қўриқлаш гуруҳларининг Трампга қарши суиқасд уринишларини қай тариқа ҳал қилгани ҳамда "Air Force One"нинг эҳтимолий таҳдидларга қарши чалғитиш мақсадида фойдаланилиши бўйича текширувлар давом этаётган бир даврда кун тартибига чиққанига эътибор қаратди. 2015–2025 йиллар оралиғида Махфий хизмат одатий қўриқлаш фаолиятига халақит берган 83 та воқеани ўрганиб чиққани келтирилган ҳисоботда, уларнинг 25 тасидан кейин юзага келган заруратлар асосида сиёсатлар янгилангани қайд этилди.

Ҳисоботда: “Кўп ҳолларда Махфий хизмат хавфсизлик ҳодисаларидан сўнг қўриқлаш сиёсатини янгиламаган ва Махфий хизмат сиёсати унинг ходимларидан бундай вазиятларда статус кони сақлаб қолиш сабабларини ҳужжатлаштиришни талаб қилмайди. Натижада Махфий хизмат қўриқлаш сиёсатини янгилаш бўйича қарор қабул қилишда тўлиқ маълумотга эга эмас”, дея баён қилинган.

Шунингдек, ҳисоботга кўра, Махфий хизмат янги тартиб-қоидалар эълон қилингандан бошлаб тўрт йил ичида қайта кўриб чиқилишини назарда тутувчи ўз сиёсатини ҳам амалга оширмаган. Ўтган ҳафта Ҳисобдорлик офиси муассаса матбуот котибини ва бошқа икки расмийни “хизмат мавқеини суиистеъмол қилиш тергови доирасида” маъмурий таътилга чиқарган эди.