Samsung билан Apple орасидаги курашда бу ҳафта янги жабҳа очилди.
Samsungнинг Нью-Йоркда намойиш этадиган Galaxy 4 модели iPhoneни тахтидан тушириши тахмин қилинмоқда. Янги телефонда кўз ҳаракати билан экрандаги тасвирни юқори-пастга силжитиши ёки видеони тўхтатиш мумкин бўлиши иддао этилмоқда. “Guardian” газетасининг хабарига кўра, янги телефоннинг намойиши Америка Грэмми мусиқа мукофоти тақдимотига мезбонлик қилган Radio Cityда ўтказилади. “Times” майдонидан тўғридан-тўғри трансляция қилинадиган тақдимот билан Сеул ва Силикон водийси орасидаги кураш янги босқичга чиқади.